सत्ति / अन्तरास्ट्रिय वन दिवसको अवसरमा टिकापुर बहुप्राविधिक शिक्षालय वन विज्ञान संकाय द्वारा अन्तर सेमेस्टर हाजिरीजवाफ प्रतियोगिता आज सम्पन्न भएको छ।
हाजिरीजवाफ कार्यक्रमका सभापति वन विज्ञान संकाय प्रमुख विवश ओलि रहेका थिए भने प्रमुख अतिथि टिकापुर बहुप्राविधिक शिक्षालय प्रमुख ई. पारस खड्का रहेका थिए । हाजिरीजवाफमा वन विज्ञान संकाय तेस्रो वर्ष समुह प्रथम सिभिल इन्जिनियरिङ चौथो वर्ष समूह दाेस्राे ,वन विज्ञान संकाय दोस्रो वर्ष समुह तेस्रो र सिभिल इन्जिनियरिङ तेस्रो वर्ष समुहले सान्त्वना स्थान हासिल गरेका थिए । विभिन्न संकायका संकाय प्रमुख, प्रशिक्षक र सहप्रशिक्षकले मन्तव्य राखेका थिए भने कार्यक्रमकाे संचालन कपिल विष्टले गरेका थिए । प्रतियोगितामा १३ वटा टिमको सहभागिता थियो । विजेता र सहभागी टिमलाई प्रमाणपत्र सहित पुरस्कार प्रदान गरिएकाे थियो ।