सत्ति– टिकापुर नगरपालिका वडा नम्बर ७को सत्तिमा रहेको पुरातात्त्विक महत्त्व बाेकेकाे पद्म प्रकाशेश्वर मन्दिरको आयोजनामा महायज्ञ सम्पन्न भएको छ ।
यहि चैत ८ गतेदेखि १५ गतेसम्म श्रीमत भागवत भक्ति संगत अनुष्ठान २०७९ भएको महायज्ञबाट करिब ४२ लाख रुपैयाँ संकलन भएको मन्दिर व्यवस्थापन समितिका अध्यक्ष विदुरलाल कायस्थ ले जानकारी दिए ।
परापुर्वकालमा भगवान पर्शुरामले स्थापना गरेको नेपालकै सबैभन्दा ठूलो, पुर्वाभिमुख भएको विश्वकै दुर्लभ शिवलिङ्ग रहेको पद्म प्रकाशेश्वर महादेव मन्दिरको आयोजनामा ११ वर्ष पछि पुनः महायज्ञ गरिएको थियाे । जिव जिवात्मा र राष्ट्र शान्ति ,पितृ माेक्ष र कैलाश मार्गको पहिलो द्वारका रुपमा रहेको पद्म प्रकाशेश्वर मन्दिर लाई शिवशक्ति धामकाे रुपमा विकास गर्न लागि महायज्ञ आयोजना भएको बताइएको थियो । प्रमुख कथा व्यास आचार्य सुश्री अनुराधा जि रहनु भएको थियो । 
मन्दिरका अध्यक्ष विदुरलाल कायस्थको अध्यक्षतामा समापन भएको कार्यक्रममा टीकापुर नगरपालिकाका नगरप्रमुख रामलाल चाैधरि रहेका थिए । कार्यक्रमकाे संचालन मन्दिर व्यवस्थापन समितिका सचिव गरेका थिए ।
समाचार 
