धनगढी– चितुवाको छालासहित धनगढीबाट तीन जना पक्राउ परेका छन्। कैलाली प्रहरीले धनगढी उपमहानगरपालिका वडा नम्बर ४ बाट चितुवाको छालासहित तीन जनालाई पक्राउ गरेको हो।चितुवाको छालासहित पक्राउ पर्नेमा मुख्यमन्त्री कार्यालयमा कार्यरत सहायक हवल्दार करण बहादुर चन्द, बाजुराको गौमुल गाउँपालिकाका २६ वर्षीय धनकृष्ण रोकाया र बुढीगंगाका ३० वर्षीय हेमराज जोशी रहेका छन्। 
पक्राउ परेकामध्ये चन्द सहायक हवल्दार हुन्। उनी मुख्यमन्त्री कार्यालयमा कार्यरत रहेको प्रहरीले जनाएको छ। उनीहरुको साथबाट ६ किलो ७४० ग्राम चरेश पनि बरामद गरिएको छ। प्रहरीले बरामद गरेको चितुवाको छालाको उचाई ७ फिट ६ इन्च रहेको छ भने चौडाई १ फिट १० इन्च रहेको छ।
प्रकाशित : २०८० कार्तिक १ बुधबार प्रकाशित
समाचार 
