सत्ति / टीकापुर नगरपालिका वडा नं. १ ब्लक न. १७ स्थित श्री जालपा देवि मन्दिर परिसरमा श्रीमद् भागवत सप्ताह ज्ञान महायज्ञ हुने भएको छ । 
माण्डब्य बंशियसंग सम्बन्धित जालपा देवी मन्दिर परिसरमा महायज्ञ हुने भएको हो । यही कार्तिक १५ गतेबाट हुने महायज्ञ आगामि २१ गते एक हप्तासम्म संचालन हुने जालपा जागरण समाज टीकापुरका अध्यक्ष तारा प्रसाद अधिकारीले जानकारी दिए । कार्तिक १५ गते बिहान ११ बजे सुदूरपश्चिम प्रदेश प्रमुख देवराज जोशीले उद्घाटन गर्ने कार्यक्रम रहेको समेत अध्यक्ष अधिकारीले जानकारी दिए ।
कार्तिक १५ गते बिहान ७ बजे दिव्य, भव्य कलश शोभा यात्रा हुने भएको समेत अध्यक्ष अधिकारीले बताए । अधिकारीले प्रत्येक दिन बिहान ५ बजेबाट ७ बजेसम्म योग साधना, ८ बजेदेखि ११ बजेसम्म पुजापाठ, हवन लगायत हुने समेत अधिकारीले जानकारी गराए । यस्तै प्रत्येक दिन दिउसो ११ बजेदेखि ४ बजेसम्म संगीतमय भागवत प्रवचन हुने आयोजकले जानकारी दिए । कार्यक्रममा विवाह, ब्रतिबन्ध, ग्रहशान्ति, लक्षवर्ति, तुलादान, भूमिदान जस्ता अनुष्ठान हुने समेत अध्यक्ष अधिकारीले जानकारी दिए । महायज्ञमा दानवीरहरुलाई सम्मान कार्यक्रम रहेको जानकारी जनाइएको छ ।
समाजका अध्यक्ष अधिकारीले दिएको जानकारी अनुसार महायज्ञको ८० प्रतिशत व्यवस्थापन भइसकेको छ ।
समाचार 
