सत्ति / प्रहरीले मंगलबार कैलाली र कञ्चनपुरका विभिन्न स्थानबाट भन्सार छलेर ल्याइएका झण्डै साढे ५ लाख रुपैयाँ बराबर मूल्यका विभिन्न सामान वरामद गरेको छ । धनगढी –९ बङग्रा कटानबाट ७७ हजार, धनगढी–१ कलाकारचोक र बालुवाटारकाट ८० हजार, धनगढी–२ भन्सार रोडबाट ७१ हजार गरी २ लाख २८ हजार रुपैयाँ मूल्य बराबरका विभिन्न सामान वेवारिसे अवस्थामा वरामद गरिएको प्रहरीले जनाएको छ । 
यसैगरि, धनगढी उपमहानगरपालिका ३ बोराडाडी चोकस्थित न्यु साहिबा टर्बो रिपेयर सेन्टरबाट अबैधरुपमा भारतबाट भन्सार छलि गरी ल्याएको अन्दाजी मूल्य १ लाख ५० हजार रुपैयाँ बराबरका हार्डवयरका वरामद गरिएको छ ।
जिल्ला प्रहरी कार्यालय कैलालीको टोलीले वरामद सामान सहित भारतको बिहार मोतिहारी घर भई हाल धनगढी–३ मा डेरा गरी बस्ने २७ वर्षीय निजामुनी अन्सारीलाई नियन्त्रणमा लिएको प्रहरी ले जानकारी दिएको छ ।
वरामद सामान मंगलबार नै कैलाली भन्सार कार्यालय त्रिनगरमा बुझाइएको छ ।
त्यस्तै, कञ्चनपुरका भीमदत्त नगरपालिका–४ र ६ बाट भन्सार छली ल्याइएका अन्दाजी १ लाख ७४ हजार रुपैयाँ बराबरको लेडिज सुट, धोती, जुता, चिनी, मिठाईलगायतका सामान वेवारिसे अवस्था मा फेला पारेको प्रहरीले जनाएको छ ।
समाचार 
