सत्ति / टिकापुर नगरपालिकाका नगर प्रमुख रामलाल डगाैरा थारुले खेलकुदले शारीरिक र मानसिक स्वास्थ्य संगै करियर विकासका लागि प्लेट फर्म हुने बताएका छन् ।
साे कुरा उनलेे टिकापुर नगरस्तरीय (साविक नारायणपुर धनसिंहपुर गाविसका विद्यालयहरु ) अन्तर विद्यालय खेलकुद तथा राष्ट्रपति खेलकुद प्रतियोगिताकाे उद्घाटनका अवसरमा प्रमुख अतिथिको आसन बाट बताएका हुन । 
खेलकुदले व्यक्तिलाई अनुशासित ,स्वस्थ र आत्मविश्वासि बनाउने बताउँदै खेलकाे मर्यादामा रहेर खेल खेल्न सहभागीलाई सुझाव दिए ।
टिकापुर नगरपालिका वडा नम्बर ६,७, ८ र ९ का सामुदायिक र संस्थागत गरि १८ वटा विद्यालयकाे सहभागीता रहेको साे अन्तर विद्यालय खेलकुद मा ,सुटपुट,भलिबल ,रिले दाैड, लङ जम्प, ट्रिपल जम्प, ज्याभलिन थ्राे लगायतका खेल समावेश रहेका छन् । 
उद्घाटन कार्यक्रममा स्वागत मन्तव्य खेल आयोजक विद्यालय कर्णाली मावि सत्तिका प्रधानाध्यापक जगविर शाहले गरेका थिए भने विभिन्न सामाजिक अगुवा ,विद्यालय व्यवस्थापन समितिका अध्यक्ष ,प्रधानाध्यापक,विशिष्ट अतिथिहरु लगायतले शुभकामना मन्तव्य राखेका थिए । खेलकुद कार्यक्रमकाे अध्यक्षता कर्णाली मावि सत्तिका विद्यालय व्यवस्थापन समितिका पदेन सदस्य यज्ञ न्याैपानेले गरेका थिए । 
यस खेलमा प्रतिस्पर्धि हुने प्रथम ,द्वितिय र तृतीय स्थान ल्याउने विद्यार्थीले फाइनल राउन्डमा पुनः स्पर्धा गर्नुपर्नेछ ।
फाइनल खेल कर्णाली मावि टिकापुरले गर्नेछ ।
उद्घाटन कार्यक्रममा आयोजक विद्यालयमा विद्यार्थीले साँस्कृतिक नृत्यहरु प्रस्तुत गरेका थिए ।
समाचार 
