सत्ती/टीकापुरको खक्रौलाबाट लागू औषध खैरो हेरोईन सहित एक युवक पक्राउ परेका छन ।
टीकापुर नगरपालिका वडा नं.९ खक्रौला स्थित नेपाल भारतको सिमाना नजिकबाट १ ग्राम २३० मिलिग्राम लागू औषध खैरो हेरोईन सहित सोही ठाउँका वर्ष २३ का रोसन साँउदलाई भारतबाट नेपाल तर्फ आईरहेको अवस्थामा सोमबार साँझतिर प्रहरीले पक्राउ गरेको हो ।
सशस्त्र प्रहरी बल नेपाल सिमा सुरक्षा गुल्म खक्रौलाबाट खटिएको सशस्त्र प्रहरीको टोलीले चेकजाँच गर्दा साउँदको साथबाट लागु औषध फेला पारेको हो । साउँदलाई आवश्यक अनुसन्धान/कारबाहीका लागि ईलाका प्रहरी कार्यालय टीकापुरमा बुझाइएकाे जनाएको छ । केही समय देखि नेपाल/भारत सिमाबाट अत्याधिक मात्रामा लागु औषधको तस्करी भैरहेको छ ।
प्रकाशित : २०८० फाल्गुन २९ मंगलवार प्रकाशित
समाचार 
