सत्ति / नारायणपुर सामुदायिक सिकाई केन्द्र सत्तिकाे साताैं साधारणसभा शनिबार सम्पन्न भएको छ ।
संस्थाका अध्यक्ष कपुरसिंह कडायतकाे अध्यक्षतामा भएको सभाका प्रमुख अतिथि टिकापुर ७ का अध्यक्ष यज्ञ न्याैपाने रहेका थिए ।
सभाले संस्थापक अध्यक्ष केशर बहादुर रावललाई सम्मानित गरेको छ भने शिव पार्वती महिला समुह टिकापुर ७ बेलुवा र नवदुर्गा महिला समुह टिकापुर ६ लक्षिणापुरलाई नगद सहित प्रशंसा पत्रले सम्मान गरेको छ । कार्यक्रममा समुह सदस्य सुशीला केसी ,आजिवन सदस्य राधा खड्का ,कालिका ईंग्लिस बाेर्डिङ स्कुलका अध्यक्ष नृप कडायत, नेपाल पत्रकार महासंघ सुदुर पश्चिम प्रदेश समिति सदस्य भिम वि.क.,सामुदायिक सहकारि सत्तिका अध्यक्ष पल बहादुर बस्नेत , संस्थाका संस्थापक अध्यक्ष केशरबहादुर रावल,टिकापुर नगरपालिका वडा नम्बर ८ का अध्यक्ष दिर्घ बहादुर ठकुल्ला लगायतले मन्तव्य राखेका थिए । 
कार्यक्रममा वक्ताहरुले समुदायका अधिकाँश महिला पढ्न लेख्नका लागि निरक्षर नभए पनि महिलामा सशक्तीकरण र उद्यमशिलताकाे अभाव रहेकोले त्यसतर्फ कार्यक्रम संचालन गर्नुपर्नेमा जाेड दिएका थिए ।
सभाले टाेप बहादुर केसीको अध्यक्षतामा नयाँ समिति चयन गरेको छ । जस्काे उपाध्यक्षमा धनसरि काेइराला सचिव मनिराम ढुंगाना रहेका छन् भने सदस्यहरुमा राजकुमार चाैधरि, शारदा रिजाल र शंकर विक रहेको निर्वाचन समिति संयोजक विरेन्द्र शाहले जानकारी दिए । बाँकी सदस्य कार्यसमितिले मनाेनयन गरिने अध्यक्ष टाेप बहादुर केसीले जानकारी दिए ।
समाचार 
