सत्ति / पुर्वी कैलालीको टीकापुर र भजनी क्षेत्रबाट दिनदहाडै चाेरि निकासी बढदै गएकाे छ ।
अवैध चाेरि निकासी बढ्दो अवस्थामा राजस्व संकलन संकलन दिनप्रतिदिन घट्दै गएकाे छ । नाकामा खटिएको प्रहरीले साईकल ब्यापारी लाई तर्साउने र राती सामान ओसारपाेसार गर्ने बाट महिनावारी रुपमा रकम असुली गर्ने गरे पछि तस्करी बढेकाे एक श्राेतले जनाएकाे छ । 
सशस्त्रको खक्राैला गुल्ममा नयाँ प्रमुख भइ आएका डिएसपी खम्ब ठकुल्लाले पनि अवैध चाेरि निकासीमा कडाइ गर्नुको साटो व्यापारीलाई ग्रिन सिग्नल दिएको सत्ति भन्सार नजिकैका एक स्थानीयले बताए ।
सत्ती भन्सार कार्यालय खक्राैलाका प्रमुख दिनहरि सापकाेटाका अनुसार श्रावण महिनामा ७१ लाख ९ हजार ७ सय ५२ रुपैया राजस्व संकलन गरेकाे छ ।
त्यसैगरि भाद्र महिनामा १ कराेड ११ लाख ८० हजार ९ सय ९२ ,असाेजमा ६२ लाख ६१ हजार , कार्तिक महिनामा ९२ लाख ३५ हजार ,मंसिर महिनामा १ कराेड २४ लाख ४ हजार ,पाैष महिनामा १ कराेड ४२ लाख ७१ हजार ४ सय ५४ ,माघ महिनामा ६६ लाख ५७ हजार ९ सय ८७ र फागुन महिनामा ५६ लाख ११ हजार ४ सय ४८ रुपैया चैत्र महिनामा ७६लाख २२ हजार ५ सय ९ रुपैया राजस्व संकलन गरेकाे छ ।
त्यसै गरि वैशाख महिनाका १५ गते सम्ममा जम्मा ६ लाख बराबर मात्रै राजस्व संकलन भएकाे सत्ती भन्सार कार्यालय खक्राैलाका सुब्बा सिताराम बुढाथोकीले जानकारी दिएका छन गत आर्थिक वर्षको वैशाखमा मात्र ७६ लाख रुपैयाँ राजस्व असुली भएको तथ्यांक रहेको छ । 
चालू आर्थिक वर्षकाे ९ महिनामा ८ कराेड ३५ लाख ४ हजार २ सय ४२ रुपैया संकलन गरेकाे छ ।
टीकापुर र भजनी क्षेत्रका प्रहरीले साईकलमा भारतकाे तिकुनियाबाट घरायसी प्रयाेजनका लागी प्याज आलु ल्याउनेलाई कडाई गरे तापनि ठुला ब्यापारीलाई भने छुट दिएकाे पाईन्छ ।
पहिले भन्सार बाट सामान नेपाल ल्याउने व्यापारी ले पनि ल्याउन छाडेको स्थानीयकाे भनाइ छ ।
खक्राैला स्थित शसस्त्र प्रहरी प्रस्तावित गुल्म खक्राैलाले ठाउँ ठाउँमा चेक प्वाइन्ट राखेको देखिन्छ ।
गुल्म अगाडि ,भन्सार कार्यालयकाे गेट र भन्सार भन्दा माथि बालुवाटार क्षेत्रकाे केराबारिमा पनि चेक प्वाइन्ट राखेर व्यापारीलाई अनावश्यक दुख दिने गरेको व्यापारीकाे भनाइ रहेको छ ।
यी मध्येका दुई चेक प्वाइन्टमा व्यापारी संग २० रुपैयाँ देखि ५० रुपैयाँ सम्म रुपैयाँ असुली गर्ने गरेको दुखेको व्यापारीले गरेका छन् । दुई ठाउँमा सामान चेक गर्ने अनि भन्सार बनिसकेको सामान भन्सार कार्यालय भन्दा माथि फेरि चेक प्वाइन्ट थापेर दुख दिने गरेको र सामान फेरि पक्राउ गर्ने गरेको व्यापारीकाे भनाइ छ ।
डिउटीमा रहेका प्रहरीले रकम असुली पनि गर्न दिने अनि सामान पक्राउ गरि जिल्लाका हाकिम लाई सामान पक्राउ गरेकाे प्रतिबेदन देखाई हाकिमकाे प्याराे बन्ने गरेकाे यस कार्यले देखाउछ । खक्राैला नाकाबाट दिउसै शसस्त्र प्रहरी गेट अगाडी बाट केही अटोमा सामान आउँछ र त्याे सामान भन्सार नभित्रिएरसिधा बाटाे बाटै टिकापुर लाग्ने गरेको एक स्थानीयले जानकारी दिए ।
केही दिन अगाडि सम्ममा भन्सार भएर आउने सामान पनि बाहिरबाट तस्करले अाेसारपसार गर्न थालेकाे जसका कारण सत्ती भन्सार खक्राैलामा राजस्व संकलनमा कमी हुँदै गएकाे देखिन्छ ।
भन्सार कटाउने नेटकाे समस्या र सेवाग्राही बाट अतिरिक्त रकम लिने गरेको सेवाग्राहीकाे गुनासो रहेको छ ।
केही दिनयता मात्रै नयाँ कार्यालय प्रमुख भएर आएका सत्ति भन्सार प्रमुखले भन्सारको गस्तीमा भने जाेड दिएको स्थानीयकाे भनाइ रहेको छ ।
समाचार 
