सत्ति / राजमार्ग सुरक्षा तथा ट्राफिक व्यवस्थापन कार्यालय अत्तरियाले गतआर्थिक वर्ष २०८०/८१ मा ७४ हजार १ सय ५ वटा सवारीसाधनलाई सवारी नियम उल्लंघन गरे बापत कार्बाही गरेर ४ करोड ९३ लाख ९६ हजार रुपैयाँ राजस्व संकलन गरेको छ ।
दुर्घटनामा परेका सवारीसाधनमा मोटरसाइकल २ सय ७ , ट्याङ्कर र ट्रयाक्टर १९ , टिप्पर ९ , डाेजर ३ ,बस २४, माइक्रो ७ , जिप,कार , ५०, ट्रयाक्टर ४० , टेम्पो १७, शारीरिक शक्तिबाट चल्ने २६ र अन्य गरेर ४ सय ६ रहेकाे राजमार्ग सुरक्षा तथा ट्राफिक ब्यवस्थापन कार्यालय अत्तरियाका प्रवक्ता प्रहरी नायब उपरीक्षक अनिल कुमार उप्रेतीले बताए ।
त्यसैगरी मृत्यु हुनेमा १ सय ७२ जना रहेको छ । जस मध्ये महिला २३ जना , पुरुष १ सय ३७ जना , बालक ७ जना , बालिका ५ जना रहेका छन् भने २ सय ६९ जना सामान्य घाइते रहेका छन् ।प्रबक्ता उप्रेतीले ट्राफिक प्रहरीको काम राजस्व संकलन मात्रै नभएर दुर्घटना न्यूनीकरण गर्ने भएको बताए ।
दुर्घटना न्यूनीकरण गर्नका लागि जनचेतनामूलक कार्यक्रम ६ हजार ६ सय २६ वटा गरेको उप्रेतीको भनाइ छ । जसमध्ये सवारीचालक संग २ मिनेट , अभिभावक संग ट्राफिक प्रहरी , विद्यार्थी संग ट्राफिक प्रहरी लगायतका जनचेतनामूलक कार्यक्रम गर्ने गरेको बताइएको छ ।
समाचार 
