बैदि / टिकापुर नगरपालिका–७ बैदि स्थित जनता राष्ट्रिय माध्यमिक विद्यालयको समग्र पक्ष सुधारका लागि शुक्रबार छलफल भएको छ ।
जनता राष्ट्रिय माविको आयोजनामा शुक्रबार विद्यालयमा सरोकारवालाबीच सर्वपक्षीय छलफल गरिएको हो ।
छलफलमा टिकापुर नगरपालिकाकै पुरानो र उत्कृष्ट विद्यालयका रुपमा रहेको जनता राष्ट्रिय माविको सुधारका लागि जनप्रतिनिधि, विद्यालय व्यवस्थापन समिति र अभिभावक जिम्मेवार भएर लाग्नुपर्नेमा जोड दिईएको टिकापुर नगरपालिका शिक्षा, युवा तथा खेलकुद शाखा अधिकृत नरेश अवस्थिले जानकारी दिए ।
कुनै एक पक्षले चाहेर मात्रै शिक्षामा सुधार नआउने भएकोले सरोकारवाला सबैपक्ष जागरुक हुनुपर्ने कुरामा जोड दिँदै शाखा अधिकृत अवस्थिले जनता राष्ट्रिय माविको सुधारका लागि आवश्यक सहयोग र समन्वय गर्ने प्रतिवद्धता जनाए । गतवर्षको शैक्षिक सत्रमा साे विद्यालयकाे नतिजा शुन्य आएकोले साे विद्यालयकाे शैक्षिक सुधारका लागि गरिएको छलफलमा सहभागीहरुले आआफ्नो क्षेत्र बाट विभिन्न सुझाव दिएका थिए ।
कार्यक्रममा विद्यालयका प्रधानाध्यापक किरण धितालले विद्यालयलाई सफल बनाउनको लागि सम्पूर्ण अभिभावक,कर्मचारी,विद्यार्थी र व्यवस्थापन समितिको पूर्ण सहयोगको आवश्यक रहने भएकाले सम्पूर्णमा सहयोग गर्न अपिल गरे ।
साे कार्यक्रममा टिकापुर नगरकार्यपालिका तथा नगर शिक्षा समितिका सदस्य मञ्जु वि.क.ले जनता राष्ट्रिय माविको आफु विद्यार्थी ,दुई पटक विद्यालय व्यवस्थापन समितिको सदस्य र एकपटक विद्यालय व्यवस्थापन समितिको अध्यक्ष भैसकेकोले विद्यालयकाे वारेमा आफु जानकार रहेको उल्लेख गर्दै सुधारका लागि आफु नगरपालिकामा निरन्तर पहल गरिरहेको बताइन् ।
विद्यालय व्यवस्थापन समिति अध्यक्ष समेत रहेका टिकापुर नगरपालिका ७ नम्बर वडा अध्यक्ष यज्ञ न्याैपानेले अभिभावकमा शैक्षिक चेतनाको अभाव, विद्यार्थीमा पढ्नु पर्छ भन्ने भावनाको कमि र अन्य कारणले गुणस्तरीय शिक्षा नभएको बताए ।
उनले विद्यालयको शैक्षिक विकासका लागि सबैलाई सहयोगका लागि आग्रहसमेत गरे । विद्यालयमा नियमित नआउने, अभिभावक संगै भारत जाने , बाढीका कारणले पढाइ प्रभावित हुने , लगायतका समस्या रहेकाे बताइएको थियोे । सो सर्वपक्षीय छलफलमा विद्यालय व्यवस्थापन समितिका पूर्वअध्यक्ष नन्द बाेहरा, नगर शिक्षा समिति टिकापुरका सदस्य मञ्जु वि. क., सामुदायिक सहकारी सत्तिका अध्यक्ष पल बहादुर बस्नेत, टिनपा ७ का अध्यक्ष यज्ञ न्याैपाने,शिक्षा शाखा अधिकृत नरेश अवस्थि, नगर शिक्षा समिति टिकापुरका सदस्य रघु उपाध्याय , साे विद्यालयका शिक्षक ,विद्यार्थी ,पुर्वविद्यार्थी , अभिभावक लगायतले सुझाव राखेका थिए ।
कार्यक्रमकाे अध्यक्षता शिक्षक अभिभावक संघका ज्येष्ठ सदस्य डबल बहादुर साउँदले गरेका थिए भने संचालन भिम बहादुर वि. क .ले गरेका थिए ।
समाचार 
