कैलालीको धनगढीमा लागुऔषध सहित ४ जना पक्राउ परेका छन ।
लागूऔषध ब्युरो शाखाबाट खटिएको प्रहरी टोलीले धनगढी उपमहानगरपालिका गोदाबरी नगरपालिका–११ का २६ वर्षीय महेश राज बोहोरा जैशीलाई ४१० मिलिग्राम खैरो हेरोइन सहित पक्राउ गरेको हो ।
यस्तै जिल्ला प्रहरी कार्यालय कैलाली र अस्थायी प्रहरी पोष्ट शान्तिनगरबाट खटिएको प्रहरी टोलीले धनगढी उपमहानगरपालिका -१ शैलेश्वरीबाट तीन जनालाई पक्राउ गरेको छ ।
पक्राउ पर्नेमा धनगढी उपमहानगरपालिका-१ शैलेस्वरीका २५ वर्षिय संजय नेपाली,२६ वर्षिय सुनिल नेपाली र ४८ वर्षिय लक्ष्मण पाकी रहेका छन । उनीहरु २६० मिलिग्राम खैरो हेरोइनसहित पक्राउ परेको प्रहरीले जानकारी दिएको छ ।
प्रकाशित : २०८१ पुष ४ बिहीबार प्रकाशित
समाचार 
