सत्ती/कंचनपुरमा एक वयस्क हात्ती मृत अवस्थामा फेला परेको छ ।
कंचनपुर जिल्लाको लालझाडी गाउँपालिका वडा नं.४ जाइ गाउँ नजिक लालझाडी जैविक मार्गमा ५.९ मिटर लम्बाई र २.९ मिटर उचाईको भाले जंगली हात्ती मृत अवस्थामा फेला परेको हो ।
मृत हात्ती फेला परे पश्चात् उक्त हात्तीको अनुसन्धान तथा सदगद कार्य को लागि शुक्लाफाटा राष्ट्रिय निकुञ्जका पशु विशेषज्ञ,कंचनपुर जिल्लाका पशु कार्यलयका प्रमुख , लालझाडी गाउँपालिका प्रमुख, सब डिभिजन वन कार्यलय कुन्डाका प्रमुख सहितको टोलि घट्नास्थलमा पुगेको छ ।
वयस्क भाले हात्ति शुक्लाफाटा राष्ट्रिय निकुञ्जबाट लालझाडी जैविक मार्गमा हुँदै ओहोरदोहोर गर्ने क्रममा यहाँ पुगेको हुनसक्ने र हात्तीको मृत्यु प्राकृतिक रुपमा नभएको जस्तो देखिएकाले पोस्टमार्टम गरिने डिभिजन वन प्रमुखले बताएका छन ।
प्रकाशित : २०८१ फाल्गुन ७ बुधबार प्रकाशित
समाचार 
