टीकापुर / टीकापुर नगरपालिकाका केही वडाध्यक्ष र कार्यपालिका सदस्यहरुले आज तालाबन्दी गरेका छन । 
उनीहरुले नगर प्रमुख, प्रमुख प्रशासकीय अधिकृत र प्रशासन प्रमुखको कार्यकक्षमा तालाबन्दी गरेका छन ।
उनीहरुले मेयर रामलाल डगौरा थारुले मनपरी गरेको भन्दै तालाबन्दी गरेका हुन । उनीहरुले कार्यपालिका बैठकमा लिखित असहमति राख्ने अधिकार बञ्चित गरेको आरोप लगाएका छन ।
उनीहरुले २०८१ माघ २९ गते बसेको कार्यपालिका बैठकका केही कुरामा आफूहरुले लिखित असहमति राख्न खोज्दा निर्णय पुस्तिका गायब पारेको बताए ।
उनीहरुले मेयर थारुलाई मनपरी नगर्न आग्रह गर्दा समेत सुनुवाई नटेरेको गुनासो आज पत्रकार सम्मेलनमार्फत गरेका छन् ।
प्रकाशित : २०८१ फाल्गुन २३ शुक्रबार प्रकाशित
समाचार 
