राजतन्त्र पुनःस्थापनाको पक्षमा भइरहेको अभियानप्रति कटाक्ष गर्दै प्रधानमन्त्री केपी शर्मा ओलीले ‘विदेशीको तस्बिर राख्नुपर्ने नाजुक अवस्थामा नेपाल नरहेको’ बताएका छन्।
आइतबार राजतन्त्र पक्षधरले निकालेको जुलुसलाई लक्षित गर्दै उनले भने, ‘एउटा जुलुस निकाल्नुपर्यो भने विदेशीको तस्बिर राख्नुपर्ने नाजुक अवस्थामा हामी छैनौं। अलोकतान्त्रिक, प्रणाली विरोधी र असंवैधानिक कुराहरूमा लाग्ने हामीलाई फुर्सद छैन। हामी हरेक दिन एक कदम अगाडि भन्ने सोचका साथ समृद्ध नेपालको यात्रामा छौं।’
गैह्रसरकारी संस्था महासङ्घको ११ औं महाधिवेशन तथा नागरिक सम्मेलन उद्घाटन गर्दै प्रधानमन्त्री ओलीले समृद्ध नेपालको यात्रामा सरकार निरन्तर अघि बढिरहेको उल्लेख गरे।
उनले नेपाली भूमिलाई उर्वर रूपमा प्रयोग गरी उत्पादन वृद्धि गर्नुपर्नेमा जोड दिँदै आत्मनिर्भर अर्थतन्त्रको आवश्यकता औंल्याए।
साथै, सामाजिक संस्थाहरूलाई विकास यात्रामा सहकार्य गर्न आह्वान गर्दै उनले असफलताको मात्र नभई सफलता, आशा र उपलब्धिको चर्चा गर्न सुझाव दिए।
समाचार 
