बैदि /कैलालीको टिकापुर नगरपालिका–७ बैदिमा किसान बहुउद्देश्यीय सहकारी संस्थाले एक जना शेयर सदस्यका परिवारलाई १ लाख ८० हजार रुपैयाँ सुविधा वितरण गरेको छ ।
सहकारी संस्थाको नारायणपुर शाखा अन्तरगत रहेको बैदिकाे महिला समूह केन्द्रका एकजना शेयर सदस्य परिवारको केही समय अघि निधन भएको थियो । सहकारी संस्थाले आइतबार बिहान बैदि पुगेर सो रकम बराबरको चेक मृतक सदस्यका श्रीमतिलाई हस्तान्तरण गरेको छ ।
संस्थाको नारायणपुर शाखामा कारोबार सदस्य परिवारका स्वर्गीय तुलबहादुर साउँदको शोकमा संस्थाले श्रद्धाञ्जली सभाको समेत आयोजना गरेको थियो ।
सहकारी संस्थाको सदस्य सुरक्षण कोष बाट स्वर्गीय तुलबहादुर साउँदकि पत्नीलाई १ लाख ८० हजार रुपैयाँको चेक हस्तान्तरण गरिएको हो ।
कार्यक्रममा आयोजित श्रद्धाञ्जली सभाको अध्यक्षता सहकारी संस्थाका टिकापुर इलाका केन्द्रका प्रमुख जयशंकर न्याैपाने रहेका थिए भने सुविधा वितरण कार्यक्रममा प्रमुख अतिथि टिकापुर नगरपालिका वडा नं ७ का अध्यक्ष यज्ञप्रसाद न्याैपाने रहेका थिए ।
कार्यक्रममा बोल्दै वडा अध्यक्ष न्याैपानेले मृतक सदस्यलाई श्रद्धाञ्जली व्यक्त गर्दै परिवारजनमा समवेदना प्रकट गरेका थिए । कार्यक्रममा श्रद्धाञ्जली सभाका अध्यक्ष रहेका सहकारी संस्थाका टिकापुर इलाका केन्द्रका प्रमुख जय शंकर न्याैपानेले संस्थाले सामाजिक उत्तरदायित्व बहन गरेको बताएका थिए । सहकारीको माध्यम बाट आफ्ना शेयर सदस्यहरूको आय स्तर वृद्धिका साथै सदस्यको संरक्षण समेत गरिरहेको उनले बताएका थिए।
सहकारीका नारायणपुर शाखा प्रमुख नवराज देवकोटाले संस्थाले प्रदान गर्ने विविध सुविधाकाे बारेमा जानकारी प्रदान गरेका थिए
कार्यक्रममा संस्थाका सत्ति शाखा प्रमुख नवराज देवकोटा , पत्रकार, संस्थाका कर्मचारी,समूहका महिला शेयर सदस्य लगायतको सहभागिता रहेको थियो ।
समाचार 
