टीकापुर,मंगलबार टीकापुरको वीरेन्द्र विद्या मन्दिर क्याम्पसमा भएको स्ववियु निर्वाचनमा नेपाल विद्यार्थी संघको पूरै प्यानल विजयी भएको छ । नेविसंघबाट सभापति पदका उम्मेदवार गोपाल खत्रीले अनेरास्ववियुका गणेश धामीलाई दोब्बर मतले उछिन्दै विजयी भएका हुन ।
निर्वाचन समितिका अनुसार खत्रीले ४५८ मत प्राप्त गरेका छन भने धामीले २१२ मत पाएका छन । त्यस्तै (क्रान्तिकारी) का तर्फबाट अध्यक्षका उम्मेदवार रहेका असिम विकले मात्र ४० मत पाएका छन ।
यसैगरी, समानुपातिक तर्फको मत समेत नेविसंघले नै सबैभन्दा बढी प्राप्त गरेको छ । नेविसंघले ४३९, अनेरास्ववियुले १३४, नागरिक विद्यार्थी समाजले ७९, अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) ले ३४ र अखिल नेपाल राष्ट्रिय स्वतन्त्र विद्यार्थी युनियनले ७ मत प्राप्त गरेको छ ।
बाँकी मत परिणाम फोटोमा हेर्नुहोस :
प्रकाशित : २०८१ चैत्र ६ बुधबार प्रकाशित
समाचार 
