कैलालीको अत्तरियामा टाउको अलग गरिएको एक पुरुषको शव फेला परेको छ । ईलाका प्रहरी कार्यालय मालाखेती अगाडि रहेको दुर्गा मन्दिर परिषरमा उक्त शव फेला परेको हो ।
ईलाका प्रहरी कार्यालय मालाखेतीका डिएसपी गंगा बहादुर थापाका अनुसार टाउको अलग गरिएको अर्धनग्न अवस्थामा फेला परेको शवमा चोटपटक पनि देखिएको छ ।
फेला परेको शवको प्रकृति हेर्दा हत्याको आशंका गरिएको छ र शबको पहिचान भने अझै हुन सकेको छैन । यस बारे प्रहरीले थप अनुसन्धान गरिएको छ ।
प्रकाशित : २०८१ चैत्र २७ बुधबार प्रकाशित
समाचार 
