प्रसेनि / किसान बहुउद्देश्यीय सहकारी संस्था नारायणपुर शाखाले आफ्ना सेयर सदस्य भाना देवी साउँदकाे पतिको मृत्युपछी बिहीबार श्रद्धाञ्जली सभा तथा सुविधा वितरण कार्यक्रम गरेको छ । सहकारी संस्थाका सुपरिवेक्षण विभाग प्रमुख प्रकाश जिसिकाे अध्यक्षतामा भएको कार्यक्रममा टीकापुर नगरपालिका वडा नं. ६ का वडा अध्यक्ष बलिराम चाैधरि प्रमुख अतिथी रहेका थिए ।
कार्यक्रममा बोल्दै अध्यक्ष चाैधरिले सहकारी संस्था बाट लिएको ऋण तिर्ने घरमुलि नै नभएको अवस्थामा आफ्ना सदस्यकाे समस्यालाई कर्जाको अनुभूति हुन नदिइ सुविधा वितरण गर्नु राम्रो काम भएको बताए । यस्तो सहयोगले परिवारका सदस्यलाई पनि कर्जा रहेको चिन्ता नहुनुका साथै परिवार आर्थिकरुपले धरासायि हुन बाट जाेगिने बताए ।
सहकारीका टिकापुर इलाका प्रमुख जयशंकर न्याैपानेले सदस्य भाना देवि साउँदले संस्थाबाट कर्जा लिएको र दुई लाख अन्ठाउन्न हजार सात सय छत्तीस ऋण रकम मिनाहा गरेको बताए । उक्त रकम बराबरको चेक समुह सदस्य भाना देवि साउँदलाई कार्यक्रमका प्रमुख अतिथी वडा अध्यक्ष चाैधरिले हस्तान्तरण गरेका थिए ।
किसान बहुउद्देश्यीय सहकारीले अहिलेसम्म धेरै परिवारलाई मृत्युपछि पनि यसरी सुविधा वितरण गरिसकेको स्मरण गर्दै संस्थाले हालसम्म नारायणपुर शाखा बाट मात्र १ करोड ८ लाख रुपैयाँ सुविधा वितरण गरेको जानकारी दिइएकाे थियोे । किसान बहुउद्देश्यीय सहकारीको टिकापुर ६ प्रसेनि स्थित समूह सदस्य भाना देविका श्रीमान् नन्द बहादुर साउँदकाे गत चैत ३ गते निधन भएकाे थियोे।
संस्थाले आफ्ना सदस्यलाई आफ्नो परिवारको सदस्यको रुपमा लिएर दुखसुखमा साथ दिने काम सराहनीय भएको सदस्य देवसरा बटालाले बताइन् । कार्यक्रममा स्थानीय सामाजिक अगुवा, पत्रकार,समुह सदस्य लगायत सहकारीका कर्मचारीकाे को सहभागीता रहेको कार्यक्रमको सञ्चालन सहकारी संस्थाका नारायणपुर शाखा प्रमुख नवराज देवकोटाले गरेका थिए ।
शाेक सभा तथा सुविधा वितरण कार्यक्रम पछि जन्म देखि मरणाेपरान्त सम्म किसान बहुउद्देश्यीय सहकारी भन्ने नारा संगै शरिरले छाडेर गए पनि मृतक व्यक्तिकाे सम्झनामा रहिरहनेछ भनेर वृक्षारोपण गरिएको थियोे ।
समाचार 
