धनगढी / धनगढी स्थित गेटा आँखा अस्पताल बाजुराको मार्तडी शाखाका प्रमुख नेत्र सहायक अंकित कुमार निगम बानिया पक्राउ परेका छन्। 
आँखा अस्पतालको मार्तडी शाखा प्रमुख बानियालाई जिल्ला प्रहरी कार्यालय कैलालीको टोलीले शुक्रबार दिउँसो धनगढीको चौराहा बाट लागूऔषध खैरो हेरोइन जस्तो देखिने पदार्थ सहित पक्राउ गरेको हो।
जिल्ला प्रहरी कार्यालय कैलालीका अनुसार विशेष सूचनाका आधारमा बानिया सहितका दुई जनालाई धनगढी उपमहानगरपालिका–१३ राजपुरबाट प्लाष्टिक सहित १० ग्राम खैरो हेरोइन सहित पक्राउ गरिएको हो । उनीसँगै मोटरसाइकलमा सवार मेकेन्द्र गिरी पनि पक्राउ परेका छन्।
पक्राउ परेका दुवै जनालाई जिल्ला प्रहरी कार्यालय कैलालीले नियन्त्रणमा लिएर थप अनुसन्धान गरिरहेको जनाएको छ।
प्रकाशित : २०८२ बैशाख ५ शुक्रबार प्रकाशित
समाचार 
