काठमाडौँमा जारी शिक्षक आन्दोलनमा सहभागिता जनाएर फर्किएका शिक्षक सवार प्र. १ -०१-००१ ख ४२३५ नं को यात्रुबाहक बस दुर्घटनामा परेको छ ।काठमाडौबाट झापाको काकडभिट्टा जाँदैगर्दा झापाको दुधे माइधार सडक खण्डको मिलन चोकमा आज शनिबार बिहान ४:४० बजे उक्त बस दुर्घटनामा परेको हो ।
दुर्घटनामा परेकाे बसमा मेचीनगरका १३ जना शिक्षक सहित २३ जना यात्रु रहेको जानकारी प्राप्त भएको छ । दुर्घटना लगत्तै इलाका प्रहरी कार्यालय झिलझिलेको सुरक्षाकर्मीको टोलि घटनास्थलमा पुगेको र घाइते हरुको उद्वार गरी अस्पताल लगिएको इप्रका झिलझिलेले जनाएको छ ।
बसमा सबार यात्रुहरुलाई सामान्य चोटपटक लागेको तथा दुर्घटनामा घाइतेहरुको बिर्तामोडस्थित बीएण्डसी र बिर्तासिटी हस्पिटलमा उपचार हुँदैगरेको तथा सबै घाइतेहरु हाल खतरामुक्त रहेको जानकारी प्राप्त भएको छ ।
प्रकाशित : २०८२ बैशाख १३ शनिबार प्रकाशित
समाचार 
