टीप्परको ठक्करबाट कञ्चनपुरको पूर्व पश्चिम राजमार्ग अन्तर्गत कलुवापुरमा मोटरसाइकल चालकको मृत्यु भएको छ । प्रहरीकाअनुसार शुक्लाफाँटा नगरपालिका ११ कलुवापुरमा आज टिपरले मोटरसाइकललाई ठक्कर दिएको हो ।
मृत्यु हुनेमा मोटरसाइकल चालक शुक्लाफाँटा नगरपालिका ११ दीपनगरका ३० वर्षीय वीरेन्द्र थापा रहेका प्रहरीले जनाएको छ ।
भित्री सडकबाट राजमार्गतर्फ आइरहेको म १ क २३३ नम्बरको टिपरले मुख्य राजमार्गमा मधेस प्र ०३०३७ व २१७३ नम्बरको मोटरसाइकललाई ठक्कर दिएको थियो ।
दुर्घटनामा गम्भीर घाइते भएका मोटरसाइकल चालक थापालाई उपचारका लागि महाकाली प्रादेशिक अस्पताल पुगाइएको थियो । चिकित्सकले जाँचपछि थापालाई मृत घोषित गरेका हुन्
प्रकाशित : २०८२ जेष्ठ २९ बिहीबार प्रकाशित
समाचार 
