बटनपुर / टिकापुर नगरपालिका वडा नम्बर ८ ले वडाका वृद्धवृद्धालाई चिसो बाट बच्न न्यानो कपडा ( कम्बल ) सहयोग गरेको छ ।

बटनपुर स्थित वडा कार्यालय परिसरमा बुधबार एक कार्यक्रमका बिच वडा अध्यक्ष दिर्घबहादुर ठकुल्लाले कम्बल वितरण गरेका हुन ।
वडा कार्यालयकाे १ लाख रुपैयाँ बाट वडामा रहेका ७८ वर्ष माथिका ८० जना वृद्धवृद्धालाई जाडो बाट बच्न कम्बल सहयोग गरिएको ठकुल्लाले बताए ।
बुधबार ३५ जनालाई कम्बल वितरण गरिएको र बाँकी बिहीबार वितरण गरिने वडा सदस्य पहल साउँदले जानकारी दिए ।
वडाका वृद्धवृद्धाकाे लागि चिसो बाट बच्नका लागि कम्बल प्रदान गरेकोमा स्थानीय वृद्धा भानादेवि साउँदले खुशी व्यक्त गरिन । ज्ञान र अनुभवका खानि वृद्धवृद्धालाई न्यानो कपडा सहयोग गर्नु सराहनीय काम भएको सत्ति कर्णाली सामुदायिक वन उपभोक्ता समितिका अध्यक्ष धनसिंह साउँदले बताए ।