खक्राैला / कैलालीको दक्षिणपुर्वी क्षेत्र खक्राैला नाकाबाट प्रतिबन्धित औषधि सहित एक युवा पक्राउ परेका   छन् ।
उनलाई प्रहरी चाैकि कालाकुण्डाले आइतबार साढे पाँच बजे खक्राैला बाट टिकापुर नगरपालिका वडा नम्बर १ बाढीपीडित शिविरका का २६ वर्षका करण पुनलाई नाइट्राभेट ३ ट्याब्लेट, स्पाम पिआरएसटि ८ वटा प्राेक्सि वेल स्पास १५ ट्याब्लेट सहित पक्राउ गरेको इलाका प्रहरी कार्यालय टिकापुरका प्रमुख डिएसपी हेम बहादुर शाहीले जानकारी दिए ।
भारतीय बजार तिकुनियाँ नेपाल फर्कदै गर्दा प्रहरी चाैकि कालाकुण्डाकाे खक्राैला स्थित चेकपोस्टमा चेकजाँच गर्ने क्रममा ती युवा बाट ट्याब्लेट चाउचाउकाे खाेलमा राखेको अवस्थामा भेटिएको प्रहरीले जानकारी दिएको छ ।
हालै सरुवा भएर टिकापुर प्रहरीको कमान्ड सम्हाल्न आएका डिएसपी हेमबहादुर शाहीले पत्रकारहरु संगकाे परिचयात्मक कार्यक्रममा लागू अाैषध नियन्त्रणमा आफ्नो ध्यान जाने बताएका थिए ।
टिकापुरमा लागू अाैषधकाे जालाे भत्काउनमा प्रहरीलाई नागरिक समाजको सहयोग भए प्रहरी सफल हुने डिएसपी शाहीले बताए ।
ती युवालाई आवश्यक कार्वाहीका लागि इलाका प्रहरी कार्यालय टिकापुर पठाइएको प्रहरी चाैकि कालाकुण्डाका इन्चार्ज लाेकेन्द्र चन्दले जानकारी दिए ।
पछिल्लो समयमा सिमानामा लागुअाैषधमा प्रहरीले कडाइ गरेको अवस्थामा भारतीय बजार सम्म पुगेर सेवन गर्ने गरेको बताएको छ ।