सत्ति / नेपाली काँग्रेसका नेता जंगबहादुर साउँदलाई साधारण सदस्य समेत नरहने गरि कारबाही गरेको छ ।

नेपाली काँग्रेस कैलालीका सभापति नारायण दत्त भट्टले साउँदले यहीँ बैशाख ३० गतेको स्थानीय तहको निर्वाचनमा पार्टीको नियम विपरीत काम गरेको भन्दै कारबाही गरेको हो ।

एक विज्ञप्ति जारी गर्दै भट्टले पार्टीको आधिकारिक उम्मेदवारलाई सहयोग नगरेको भन्दै एक वर्षसम्म पार्टीको साधारण सदस्य समेत नरहने गरि कारबाही गरेको छ ।

कारवाहि गरिएका साउँदले २०७४ सालको स्थानीय तहको निर्वाचनमा नेपाली काँग्रेसबाट टिकापुर नगरपालिकाको मेयर पदमा उम्मेदवार रहेका थिए भने साविक धनसिंहपुर गाविसका दुई पटक अध्यक्ष भएका हुन ।