सत्ति / टिकापुर ७ सत्तिका एक बालक रकम अभावको कारण क्यान्सर राेग संग लडिरहेका छन् ।
सत्ति ( राम मन्दिर नजिकै ) स्थित सन्तोष चाैधरिका १२ वर्षका छाेरा समीर चाैधरि लाई क्यान्सर राेग भएको बताइएको छ । उनको शारीरिक चेकजाँच गर्दा डाक्टरले क्यान्सरको शिकायत भएको स्थानीय युवा महेश रावलले जानकारी दिएका छन् ।
राम मन्दिरमा धार्मिक कार्यक्रम गर्नका लागि घर घरमा सहयोग रकम जुटाउने क्रममा समिरकाे बारेमा जानकारी भएको स्थानीयकाे भनाइ छ । उनको शारीरिक अवस्था देख्दा उनलाई स्थानीय युवाले साथीभाइ बिच रकम उठाइ बुधबार टिकापुर अस्पतालमा चेकजाँचका लागि लिएको महेश रावलले बताए । cancer victimchild with hermother
उनलाई क्यान्सर भएको र साे उपचारको लागि भरतपुर क्यान्सर अस्पताल चितवनमा जाने सल्लाह दिएको उनको उपचारका लागि पहल लिएका महेश रावलले बताए । बालकका बाबु सन्तोष र आमा रिमाले मजदुरि गरेर खाने भएकोले उपचारमा लाग्ने खर्च नभएर घरमै राेग पालेर बसेकाे युवा सराेकार समुहका अध्यक्ष सन्तोष नेपालीले सुदुर सन्दर्भ डटकमलाई बताए ।
सन्तोषकाे उपचारका लागि युवा सराेकार समूह सत्ति मार्फत अभियान थालिने स्थानीय युवा महेश रावलले बताए ।