टिकापुर / नौकुण्ड गाउँकार्यपालिका सरमथली, रसुवा र नमुना अपाङ्ग समाज रसुवाको सहकार्यमा सञ्चालन गरिएको ३० दिने आधारभूत कम्प्युटर सम्पन्न भएको छ ।
कम्प्युटर एआई शिक्षा तालिम अपाङ्गता भएका, अति विपन्न तथा आमाबाबु विहीन विद्यार्थीहरूका लागि उपयोगी, समय सापेक्ष र सशक्तीकरणमुखी कार्यक्रम भएको बताइएको छ ।
तालिम समापनकाे अवसरमा अपाङ्गता भएका आमा–बाबु विहीन विद्यार्थीहरूका लागि डिजिटल प्रविधिका बारेमा जानकारी तथा सिप विकास गराउनु उद्देश्यले तालिम दिइएकाे प्रमुख अतिथी नाैकुण्ड गाउँपालिका उपाध्यक्ष चन्द्रबहादुर गलानले बताए ।
उनले अपाङ्गता भएका तथा पछि परेका समुदायका लागि आगामी दिनमा पनि कार्यक्रम तर्जुमा गरिने बताए । तालिममा १३ जना सहभागीलाइ प्रमाण पत्र समेत उपाध्यक्ष गलानले प्रदान गरेका थिए भने साे तालिमको प्रशिक्षक सुयाेग ढुङगेलले गरेका थिए ।
प्रकाशित : २०८३ जेष्ठ २९ शुक्रबार प्रकाशित
समाचार 
