सत्ति / २३औँ राष्ट्रिय धान दिवस–२०८३ आज देशभर मनाइएको छ । यसै अवसरमा रसुवाको नौकुण्ड गाउँपालिका–५ बडहरेमा रोपाइँ उत्सव, असारे तथा घाँसे गीत गायन एवं सांस्कृतिक कार्यक्रम सम्पन्न भएको छ।
“जलवायुमैत्री प्रविधि, धानमा आत्मनिर्भरता र समृद्धि” भन्ने मूल नारा सहित हुने कार्यक्रममा किसान, स्थानीयवासी तथा विभिन्न सहभागितामा भएको हो । कार्यक्रमको आयोजना नौकुण्ड गाउँपालिका, कृषि ज्ञान केन्द्र नुवाकोट, साझा चौतारी युवा क्लब, भोले जिवजिवे साना किसान कृषि सहकारी संस्था लिमिटेडले रसुवाले संयुक्त रूपमा सम्पन्न गरेको हो ।
रोपाइँ उत्सवमा नाैकुण्ड गाउँपालिका अध्यक्ष नुर्पुसाङबाे घले, उपाध्यक्ष चन्द्रबहादुर तामाङ, कृषि ज्ञान केन्द्र नुवाकाेट गाउँपालिका कर्मचारी, जनप्रतिनिधि, स्थानीय किसानहरू पत्रकारहरू सहभागी रहेका थिए ।