मञ्जु वि. क.– बदलिँदो मौसमका कारण सुदूरका पहाडी जिल्लामा बिहीबार साँझदेखि परेको हिमपातले जनजीवन प्रभावित भएको छ ।
हिमपातका कारण तराईपहाड आवातजावत गर्ने सवारी साधन बीच बाटोमै अलपत्र छन् । लगातारको हिमपातका कारण विभिन्न पहाडी राजमार्गमा सयौँ यात्रु अलपत्र परेका छन् । हिमपातका कारण कतिपय पहाडी मार्गमा यात्रु कष्टकर अवस्थामा छन ।
हिमपातले बन्द रहेको राजमार्ग खुलाउन डोजर प्रयोग गरिएको छ । सुदुरका महाभारत लेकका विभिन्न स्थानमा बाक्लो हिमपात भएको छ ।
यो वर्ष लामो समयपछि हिमपात भएको स्थानीयको भनाइ छ । निरन्तर हिमपात भई नै रहेको छ । यातायात पुनः सञ्चालन गर्न डोजरको प्रयोग भएकाे छ । भारी हिमपात क्षेत्रमा हिउँ संग पर्यटक रमाउन थालेका छन् । हिउँसँग खेल्नेको भीडले हिउँ परेका क्षेत्र भरिभराउ छन् ।
सामाजिक संजाल भरि तस्बिरहरू र भिडियो पाेष्ट गरिएका छन । गर्मी सुरु हुनै लाग्दा भएको हिमपातले भने पुनः चिसो बढेको छ भने
लगातारको हिमपातसँगै सेताम्मे भएका डाँडामा हिउँमा रमाउने युवायुवतीको ताँती छ । हिमपात लाई पर्यटनकारुपमा लिन सके हिमपातको समयमा भारतीय तथा नेपाली पर्यटक तान्न सकिने स्थानीयवासीको मत छ । हिमपातले जनजीवन कष्टकर भए पनि कृषक भने हर्षित छन् । हिउँका कारण खेतीपाती राम्रो हुने भन्दै कृषक हर्षित बनेका हुन । पहाडमा हिमपात भए पछि तराईमा पनि चिसो बढेको छ । लगातार पानी परेकाले तराईको जनजिवन पनि प्रभावित भएको छ । कतिपय ठाउँमा चट्याङ समेत परेको छ ।