मञ्जु वि. क. झुँगा ,२४ फागुन / टिकापुर नगरपालिका वडा नम्बर ९ झुँगाा ११२ औँ अन्तर्राष्ट्रिय श्रमिक महिला दिवस मनाइएको छ । 
सामाजिक न्याय र लैङ्गिक समानता : दिगो विकासको सुनिश्चितता भन्ने राष्ट्रिय नाराका साथ मनाइएको ११२ औँ अन्तर्राष्ट्रिय श्रमिक महिला दिवसको अवसर पारी वडा नम्बर ९ मा कार्यरत संस्थाहरु शान्ति पुनर्स्थापना गृह, साना हात नेपाल ,भानुभक्त आधारभुत विद्यालय , स्वस्तिक साना किसान सहकारी , धनसिंहपुर कृषि सहकारीको आर्थिक सहयोग र वडा नम्बर ९ काे सह आयोजनामा भएको उक्त कार्यक्रमकाे आयोजक वडा स्तरीय महिला संजाल रहेको थियो ।
वडा स्तरीय महिला संजालकाे अध्यक्ष गाेमा साउँदकाे अध्यक्षतामा वडा नं ९ को प्राङ्गणमा आयोजित गरिएको कार्यक्रमकाे प्रमुख अतिथि टिकापुर नगरपालिका वडा नं ९ का अध्यक्ष लाैटन चाैधरि रहेका थिए ।
कार्यक्रम सहित डेउडा गीत, कविता समेत प्रस्तुत गरिएको वडा स्तरीय महिला संजालकाे अध्यक्ष गाेमा साउँदले जानकारी दिईन् । सामाजिक न्याय र लैङ्गिक समानता : दिगो विकासको सुनिश्चितता, महिला सशक्तीकरण, लैङ्गिक हिंसा न्यूनीकरण, जलवायु परिवर्तनले महिलामा पारेको असर जस्ता विषयहरू समेटेर डेउडा गीत, कविता प्रस्तुत गरिएको थियो ।
कार्यक्रममा नेपालको संविधानमा महिलाको हकलाई प्राथमिकता दिएको र त्यसको सफल कार्यान्वयनमा सबै पक्षको महत्त्वपूर्ण भूमिका हुने कार्यक्रमका प्रमुख अतिथि टिकापुर नगरपालिका वडा ९ का अध्यक्ष लाैटन चाैधरिले जाेड दिएका थिए ।
ग्रामीण परिवेशमा अझै पनि महिला पछि पारिएको परिस्थितिलाई उल्लेख गर्दै शिक्षामा पहुँच बढाउन उनलेे जाेड दिइएका थिए ।
महिला हिंसा अन्त्यका लागि पुरुषको सहयोग अनिवार्य रहेको वक्ताहरुले बताइएका थिए ।
हिजोआज महिलाले नै महिला माथि हिंसा गरेका थुप्रै घटनाहरू देखिने गरेकोले त्यस किसिमका गतिविधिलाई समेत रोक्न आवश्यक रहेको बताइएको थियो ।
हिंसा विरुद्ध घरघरबाटै जागरूक हुनुपर्ने कार्यक्रमकाे विशिष्ट अतिथि भानुभक्त आधारभूत विद्यालयका प्रधानाध्यापक माया साउँदले बताउनु भएको थियो । कार्यक्रमकाे संचालन मुना घर्ती मगरले गरेकि थिइन् । यसैगरी टिकापुरमा विभिन्न दल र संस्थाले यो दिवस मनाएका छन् ।
समाचार 
