सत्ति / टीकापुरमा मोटर साइकल दुर्घटना हुँदा एकको मृत्यु भएको छ भने दुई जना घाइते भएका छन् ।
अस्थायी ट्राफिक प्रहरी पोष्ट टीकापुरका इन्चार्ज प्रहरी नायव निरीक्षक विनोद जोशीका अनुसार दुई मोटरसाइकल ठोक्किँदा से ३ प ९७४६ नं को मोटर साइकलमा सवार टीकापुर २ का अन्जील कार्कीको मृत्यु भएको हो । टीकापुर अस्पतालमा उपचारको क्रममा शुक्रबार दिउँसो २ बजे उनको मृत्यु भएको हो । लु ७४ प नं को मोटर साइकलमा सवार बर्दिया गुलरिया नगरपालिका ४ का विवश चौधरी र राजापुर नगरपालिका १ का प्रजापति चौधरी घाइते भएका छन् । घाइते दुबै जनालाई थप उपचारका लागि मेडिकल कलेज कोहलपुर रेफर गरिएको टीकापुर ट्राफिकले जनाएको छ । 
symbolic picture
दुई मोटरसाइकल टीकापुर ४ अस्नेहरी स्थित टीकापुर खक्रौला सडक खण्डमा दिउसो १ः३० बजे दुर्घटना भएको थियो ।
प्रकाशित : २०७८ चैत्र ४ शुक्रबार प्रकाशित
समाचार 
