मानबहादुर ठकुल्ला,बटनपुर / टीकापुर नगरपालिका ८ स्थित धनसिहपुर स्वास्थ्य चौकी लाई केही महिना अघि बैदेशिक रोजगारीमा गएका युवाले रकम संकलन गरि हस्तान्तरण गरिएको एम्बुलेन्स संचालन गर्न नसक्दा सर्वत्र आलोचना भईरहेको छ । 
टीकापुर ८ घर भई विभिन्न देशमा रोजगारीका सिलसिलामा रहेका २२ जना युवाले रकम संकलन गरी स्वास्थ्य क्षेत्रमा सहयोग होस भनि गत माघ १८ गतेका दिन एक कार्यक्रमका विच एम्बुलेन्स नगरपालिका मार्फत धनसिंहपुर स्वास्थ्य चौकी लाई प्रदान गरिएको थियो ।
राजनैतिक प्रतिशोधका कारण जनप्रतिनिधिले एम्बुलेन्स संचालन नगरेको भन्दै सामाजिक संजालमा आलोचना भएको देखिन्छ ।
फेसबुकमा एम्बुलेन्स संचालनमा नआएको भन्दै हाल बैदेशिक रोजगारिमा गएका टीकापुर ८ बटनपुरका टंक साउदले लेखेका छन बिरामी बोक्ने एम्बुलेन्स नै विरामी अवस्थामा भन्ने शिर्षक राख्दै टीकापुर ८ बटनपुर स्थित स्वास्थ्य चौकीलाई बैदेशीक रोजगारीको शिलशिलामा विदेशिएका प्रवासीले दुःख पिडा भुलेर जन्मस्थलमा जनताले सहजरुपमा एम्बुलेन्स सेवा पाउन भनि पठाएको एम्बुलेन्स महिनौ दिन सम्म पनि संचालन हुन नसक्दा दुखद भएको बताएका छन ।
त्यसै गरि केही दिन अगाडी दिब्यसागर साउँद नाम भएका स्थानीय (खगेन्द्र) ले पनि फेसबुक वालमा लेखेका छन नेपालको जनकपुरमा रेल चल्ने तर हाम्रो वडामा रहेको एम्बुलेन्स संचालन गर्न नसकिने भनि इंगित गरेका छन ।
यस विषयमा बुझ्दा टीकापुर नगरपालिका वडा नं. ८ का वडा अध्यक्ष तथा टीकापुर नगरपालिका प्रवक्ता दिर्घ ठकुल्ला भन्छन । बैदेशिक रोजगारीमा रहेका यस क्षेत्रका युवाले स्वास्थ्य क्षेत्रमा गरेको सहयोग सराहनीय काम भएको भन्दै एम्बुलेन्स बन्द अवस्थामा रहनुमा नितिगतरुपमा लैजानु पर्ने र चालक राख्दा नगर प्रमुखको तोक लगाएर नगर सभाबाट निर्णय गरि दरबन्दी कायम गर्नुपर्ने भएकाले ढिलो हुन गएको बताएका छन । आफुले वडा बाट एम्बुलेन्स संचालनका लागि गर्नुपर्ने पहल गरेको बताएका छन । यसरी आलाेचित हुनुभन्दा अर्को व्यवस्था नभए सम्मका लागि दैनिक ज्यालादारीमा ड्राइभर राखेर एम्बुलेन्स संचालन गर्नुपर्ने स्थानीयकाे भनाइ छ । 
समाचार 
