टिकापुर / स्थानीय तहको चुनावमा रेशम चाैधरिकाे भनिने पार्टीबाट टिकापुर नगरपालिकाकाे मेयङपदमा रामलालले उम्मेदवारी दिएका छन् । उनी यस अघि उनि वडा अध्यक्ष भैसकेका हुन । 
कस्ता छन् उनका योजनाहरू ? के छ जितको आधार ? प्रस्तुत छ मेयर उम्मेदवार रामलाल डगाैरा गरिएको कुराकानी :
– कस्ता एजेन्डामा मतदाता फकाइरहनुभएको छ ?
स्थानीय तहको निर्वाचन भएको हुँदा स्थानीय एजेन्डा लिएर जनताको घरदैलोमा पुगिरहेका छौं । उहाँहरूको दैनिकी जनजीविकाका कुरालाई प्राथमिकता दिएर अघि बढेका छौं । उहाँको समस्या बुझिरहेका छौं ।
टिकापुर नगरपालिकालाई कसरी समृद्ध बनाउने, कसरी सुन्दर गराउने, विकास निर्माणको कुरालाई कसरी अघि बढाउने भन्ने योजना लिएर घरदैलो अभियान सुरु गरेका छौं ।
– घरदैलोमा गएका बेला मतदाताका माग के पाउनुभयो ?
एकदमै सकारात्मक अपेक्षा पाइरहेको छु । उहाँ पनि हाम्रो प्रतिनिधित्व हुन थालेको भन्दै उत्साहित हुनु भएको छ । हामीलाई थप ऊर्जा पनि दिइरहनुभएको छ । अर्काे कुरा, अहिलेसम्म भ्रष्टाचार, अनियमितता लगायत कुनै पनि दाग लागेको छैन । जनताको माझ यतिको मान्छे आउँदा हाम्रो नगरपालिकाको मुहार फेरिन्छ भन्ने विश्वास लागेको छ ।
– गठबन्धन विरुद्ध तपाईं मैदानमा हुनुहुन्छ । उत्साह उमङ्गमात्रै छ कि चुनौती पनि ?
त्यो गठबन्धनले टिकापुर नगरपालिकामा कुनै असर पर्दैन । हामी बलियो अवस्थामा छौं । गठबन्धन विरुद्ध जित्ने आधार के के हुन् ?
अहिले म पूर्ण विश्वस्त छु । यहाँका जनताप्रति मलाई पूर्ण विश्वास छ । यहाँको जनताको आधारभूत समस्या समाधान गर्न म सक्छु भन्ने उहाँहरूलाई पनि थाहा छ ।
सबै प्रकारका विभेदको अन्त्य गर्न सक्छु । यहाँका सबै प्रकारका समस्या सम्बोधन गर्न म तयार छु । सबै वर्गलाई समेटेर उहाँहरूको प्रतिनिधित्व हुने गरी मैले काम गर्न सक्छु भन्ने कुरा पनि उहाँहरूलाई थाहा छ ।
पहिले जितेको नगर प्रमुखले यहाँको बारेमा धेरै काम गर्न नसकेको कुरा सबैलाई थाहा छ । हाम्रो पार्टीमा सदस्य पनि बढिरहेका छन् । त्यो कारणले पनि विजयी हुन्छु भन्ने छ ।
– चुनाव जित्न समस्या हुँदैन ?
त्यस्तो मलाई लाग्दैन । अहिले हामी एउटा सामूहिक मुद्दा लिएर अघि बढिरहेका छाैं तर, यो जनताको मन जित्ने कुरा हामी एक भएर लागिरहेका छौं । चुनाव जित्ने गरी हामी जनतासामु गइरहेका छौं । हामी सामाजिक चुनौतीसँग जुधिरहेका छौं ।
चुनौतीका बीचमा हामीले अवसर खोज्ने हो र त्यो अवसरलाई आफ्नो व्यक्तिगतभन्दा पनि जनताको हित सोचेर काम गर्दै अघि बढ्नु पर्छ । फेरि यो क्षेत्रमा मात्रै होइन सबै क्षेत्रमा चुनौती छन् । ती चुनौतीहरूलाई डटेर सामना गर्नुपर्छ । आएका चुनौतीलाई चिर्ने कुरामा हामी प्रतिबद्ध छौं । चुनौतीसँग लडेर अघि बढ्ने कुरामा पनि हामी तयार छौं ।
– टिकापुरलाई कस्तो बनाउने सपना देख्नुभएको छ ? सबैभन्दा पहिले यश नगरपालिकालाई समृद्ध नगरपालिका स्थापित गर्ने छु । नगर विकासको गुरुयोजना बनाएर दिगो विकासको थालनी गर्ने कुरामा मैले जोड दिने छु ।माध्यमिक तहको शिक्षालाई निःशुल्क, जीवनोपयोगी र गुणस्तरीय बनाउने कुरामा मैले जोड दिने छु । ज्येष्ठ नागरिकको सन्दर्भमा सुरक्षा बीमा गर्ने कुरालाई पनि मैले जोड दिनेछु । प्रत्येक घरपरिवारलाईस्वास्थ्य बीमा सँग जोड्ने छु ।
– तपाईंको प्रतिस्पर्धी को हो ?
अहिलेको अवस्थामा गठबन्धनको उम्मेदवार मेरो प्रतिस्पर्धा हुने आँकलन गरेको छु ।
समाचार 
