विनोद चाैधरि / आईएमई लाईफ इन्स्योरेन्स कम्पनी शाखा कार्यालय टीकापुरले मृत्यु दावी भुक्तानी प्रदान गरेको छ ।
टीकापुर ४ बाघमारामा एक कार्यक्रम गरी मृतक तुलाराम थारुको धर्मपत्नी गुलावी देवी थारुलाई २ लाख ७ हजार रुपैयाँ बराबरको चेक रकम हस्तान्तरण गरिएको हो ।
उक्त चेक रकम टीकापुर ४ का वडाध्यक्ष लालविर चौधरी, कम्पनीका एरिया म्यानेजर तुलसी देवकोटा, शाखा प्रमुख विमल डंगौरा थारुले हस्तान्तरण गरेका थिए । 
बीमीत तुलारामको असामयिक निधन पछि निजका श्रीमतीले मृत्यु दावी गर्दा कम्पनीले सो रकम भुक्तानी गरेको हो ।
वीमीत थारूले २ लाखको जिवन विमा गरेकोमा प्रथम बीमा शुल्क १४ हजार ७ सय ४३ रुपैयाँ जम्मा गरेका थिए ।
कार्यक्रममा टीकापुर ४ का वडाध्यक्ष लालविर चौधरी, वडा नम्बर ५ का पूर्वअध्यक्ष रामशंकर डंगौरा थारु, कम्पनीका एरिया म्यानेजर तुलसी देवकोटा, टीकापुर शाखा प्रमुख विमल डंगौरा थारु, वड्घर र स्थानीयको सहभागितामा हस्तान्तरण कार्यक्रम गरिएको थियो ।
कार्यक्रममा वडाध्यक्ष लालविर चौधरीले मानव जिवन अनमोल छ र आजको समयमा प्रत्येक व्यक्तिको जिवनका हर समयमा जोखिम नै जोखिमले भरिएको हुनाले अनमोल जीवनमा विभिन्न जोखिमबाट आइपर्ने क्षतिलाई बीमाको माध्यमबाट न्यूनिकरण जिवन विमा आवश्यक रहेको बताए ।
शाखा प्रमुख विमल डंगौरा थारुले जीवन बीमा गर्नु परिवारको आर्थिक भविष्य सुनिश्चित गर्नु हो त्यसैले सबैलाई विमा गर्न आग्रह गरेका थिए ।
कार्यक्रमको संचालन कम्पनीका कर्मचारी अर्जुन चौधरीले गरेका थिए ।
समाचार 
