विनय कुश्मि ,काठमाडौ / टीकापुर नगरपालिकाका प्रमुख रामलाल डङ्गौरा थारुले टीकापुर घटनाको समाधान राजनीतिक तवरबाट गर्न माग गरेका छन् । टीकापुर घटना राजनीतिक रहेको भन्दै राजनीतिक तवरबाट नै समाधान गर्न माग गर्दै बुधबार कानून, न्याय तथा संसदीय मामिलामन्त्री गोविन्द शर्मा कोइरालालाई ज्ञापनपत्र बुझाएका छन् । २०७२ सालमा थरुहट/थारुवान आन्दोलनका क्रममा टीकापुर घटना घटेको थियो । सो घट्नामा हिंसात्मक झडप हुँदा ८ सुरक्षाकर्मी सहित एक बालकको ज्यान गएको थियो । घटनामा दोषी ठहर भइ निलम्बित सांसद रेशम चौधरी सहितका व्यक्तिले जेल जीवन बिताइरहेका छन् ।
टीकापुर घटनाको प्रतिशोधमा भदौ ८ गते थारु समुदायका व्यापारिक फर्म, घर जलाइनुका साथै लुटपाट गरिएको थियो । ८ गतेका घटनाका दोषी माथि कारबाही भएको छैन । काठमाण्डौं पुगेर टीकापुर घटनालाई राजनीतिक रुपमा समाधान गर्न माग गरेका थारु रेशमको संरक्षकत्वमा रहेको नागरिक उन्मुक्ति पार्टीबाट टीकापुरको मेयरमा निर्वाचित भएका हुन । 
यसैगरी, उनले टीकापुर क्षेत्रको विभिन्न समस्याका बारेमा पनि ध्यानाकर्षण गराउँदै समाधानका लागि पहल गरि दिन मन्त्रीलाई आग्रह गरेका छन् । मेयर डङ्गौराले सोही माग राख्दै अरु मन्त्रीलाई पनि ज्ञापनपत्र बुझाएका छन् ।
समाचार 
