धनराज शाहि,
सत्ति / टिकापुर नगर स्तरीय बाल अधिकार समितिलाई बाल अधिकार ,बाल संरक्षण तथा घटना व्यवस्थापन र सिफारिस संयन्त्र बारे तीन दिने तालिम सम्पन्न भएको छ ।
टिकापुर नगर स्तरीय स्थानीय बाल अधिकार समितिकाे आयोजनामा भएको कार्यक्रमकाे समापन कार्यक्रममा सहभागीकाे तर्फबाट विना पाैडेल र टिकापुर नगरपालिका वडा नम्बर चारका वडा अध्यक्ष लालविर चाैधरिले मन्तव्य राखेका थिए ।
कार्यक्रमका वक्ता लालविर चाैधरिले तालिममा सिकेका कुरा आफ्नो जीवन र वडामा लागू गर्ने प्रतिवद्दता जनाएका थिए ।
वर्ल्ड भिजन इन्टरनेशनल नेपालका प्रतिनिधि मंगल शाहले संघ संस्था सरकारलाई सहयोगी हात भएको बताए ।
बाल कल्याण संघका अध्यक्ष धनबहादुर वि. क. ले टिकापुर नगरपालिकालाई बालबालिकाकाे क्षेत्रमा समृद्ध नगर बनाउन तालिम पछि निर्माण गरेको छ महिने कार्ययोजना लागू हुनेमा विस्वास व्यक्त गरे ।
समापन कार्यक्रमका प्रमुख अतिथि टिकापुर नगरपालिकाका नगर प्रमुख रामलाल डगाैरा थारुले संघसंस्थाले स्थानीय सरकारको भारलाइ थेगेकाे बताउँदै , आउने सन्ततिलाई भविष्यकाे कर्णधार बनाउन शिक्षक,अभिभावक ,सामाजिक संघसंस्था र सरकारकाे भुमिका महत्त्वपूर्ण हुने बताए ।
बाल कल्याण संघले प्राविधिक पाटाेमा सहयोग गरेमा टिकापुर नगरपालिकाले कार्यान्वयन गर्ने बताए ।
टिकापुर लागू आैषधकाे केन्द्र भएकोले यहाँका अभिभावकले बालबालिकाकाे गतिविधिमा विशेष ख्याल गर्नुपर्नेमा जाेड दिए । यसैगरी टिकापुर नगरपालिका वडा नम्बर १ का वडा अध्यक्ष माेहन विकले बालबालिकालाई भविष्यकाे कर्णधार बनाउनका लागि बालबालिकाकाे क्षेत्रमा आगामी वर्ष बजेट विनियोजन गर्ने प्रतिवद्दता जनाएका थिए । टिकापुर नगरपालिकाका कार्यक्रम बाल मैत्री कार्यक्रम बनाउन लाग्ने बताए ।
समाचार 
