सत्ति / सुदूरपश्चिम प्रदेशको अर्थ, विकास तथा प्राकृति स्रोत समितिले कर्णाली, मोहना नदीले गरेको कटान र जोखिम क्षेत्रको अवलोकन गरेको छ ।
समिति सभापति हर्क कुँवरको नेतृत्वमा ७ जना प्रदेश सभा सदस्य सहभागी टोलीले टीकापुर ७ र ८, भजनी १, ३, ६ , जोशीपुर ४ वडाका नदी किनारको अवलोकन गरेको छ ।
भ्रमणपछि कर्णाली नदीमा भैरहेको तटबन्ध काम रानी जमरा कुलरिया सिचाई आयोजनाले गर्ने र तत्काल भुक्षय रोक्न सकिने स्थान र गतवर्षकै बाढीले क्षतिग्रस्त कामलाई प्रदेश सरकारले निर्माण कार्य गर्ने गरी निर्देशनात्मक प्रतिवेदन बुझाउने सभापति कुँवरले बताए ।
टीकापुर नगरपालिकाका प्रमुख रामलाल डगौराले समिति समक्ष प्रदेश सरकारका मुख्यमन्त्री, मन्त्री र प्रदेश सभा समितिका भ्रमण भैरहे पनि नतिजा देखिने गरी काम नभएको गुनासो गरे । कुँवरले भ्रमण हुने वित्तीकै सबै काम नभए पनि केही काम प्रदेश सरकारबाट भैरहेका बताए । सत्ती कर्णाली सामुदायिक वनका अध्यक्ष धनसिह साउँदले सिद्धि साई निर्माण कम्पनीले समयमा काम नगर्दा वनको करिब १५ विघाहा जमिन कटान भैसकेको बताए ।
भ्रमणमा समिति प्रदेश सभा सदस्य भरत खड्का, कृष्ण सुवेदी, कुष्ण चौधरी, अक्कल रावल, महेशदत्त जोशी, अम्वी थापा सहभागी थिए । भ्रमणमा सहभागी केही माननिय परिवार र बालबालिका लिएर सहभागी भएका थिए । जसले नदि कटान क्षेत्रकाे निरिक्षण अवलोकनमा जानुभन्दा परिवार र बालबालिका शीत सेल्फि खिच्न सम्म भ्याएका थिए ।
भ्रमण दलमा सहभागी एक स्थानीयले भने यो जाेखिम क्षेत्रकाे अनुगमन नभइ बेला न कुबेला गरिएकाे अनुगमन सरकारि भत्ता पचाउने मेसाे मात्र भएको बताए ।
समाचार 
