टीकापुर नगरपालिका राजनीतिक अड्डा बनाइने काम भएको छ । नगरपालिका अहिले आन्तरिक खिचलोमा छ । नगरपालिकामा हरेक काममा पारदर्शीता हुनुपर्छ । शक्तिको आडमा विधि मिच्ने काम चाहे जनप्रतिनिधि चाहे कर्मचारी कसैबाट हुनुहुँदैन । 
जनप्रतिनिधि या कर्मचारीले आफ्ना मान्छेलाई अवसर र सुविधा दिने प्रबृत्तिले संस्था राम्रोसंग चल्दैन । निति नियम मिचेर गरेको काममा अर्को पक्षले पनि नियम मिचेर संस्थाको दाेहन मात्र गर्ने अवस्था आउँछ । गलत कुरालाई गलत भन्न सक्ने खुबी जनप्रतिनिधिमा हुनुपर्छ नकि कर्मचारीले हरेक कुरामा नियम कानुन देखाएर नचाउन । हरेक काम भनसुनबाट होइन विधिसम्मत चल्नुपर्छ । अधिकाँश शाखा मनपरी तरिकाले चलेका छन् ।
स्वास्थ्यमा सबैभन्दा राम्रो गरेको भनिएको स्वास्थ्य शाखाको आर्थिक कामकाज नै महालेखाकाे प्रतिवेदनले छर्लङ्ग पारेको छ ।
भने अन्य शाखाको के हविगत होला । नगर प्रमखलाइ थाहै नदिइ धेरै काम हुने गरेका छन् टिकापुर नगरपालिकामा ।
मेयर उपमेयरलाई थाहै नदिइ मातहतका कर्मचारी लाई शाखा प्रमुखले सरुवा गर्छ । मेयरलाई थाहै नदिइ स्कुलमा शिक्षक आवश्यकताकाे सुचना निस्केका छन् । कमिसनका कुरा त छँदैछन् ।
यस्ता घटनाको लामै लिस्ट तयार हुन्छन् टिकापुर नगरपालिकामा । कम याेग्यता भएका कर्मचारीले चुनावमा राम्रै सहयोग गरेका जनप्रतिनिधिलाई जनप्रतिनिधिले कसरी त्रुटी देखाउने ,कसरी काममा लगाउने ,कुन साहसले कजाउने , कर्मचारीका संघ संगठनको धाक र धम्कीको भरले माथिल्लो हाकिमलाई तह लगाउने सम्मका क्षमता भएको फुर्ती दिने कर्मचारी बाट जनताले के अपेक्षा गर्ने ।
टिकापुरमा समस्या जनप्रतिनिधि र कर्मचारी बिच मात्रै होइन । निजामती र अर्का कर्मचारीमा पनि दरार र गुटबन्दी छ , आन्तरिक कलह धेरै भए पछि भटाभट कर्मचारी पनि सरुवा गरेर जाने मनसाय बनेको छ । पुरा कार्यकाल कुनै प्रमुख प्रशासकीय अधिकृतले बिताएनन् सबैलाई थाहै छ । अहिलेका हाकिमले पनि म धेरै बस्नेवाला होइन भनेर पटकपटक ध्वाँस देखाउने नगरेका होइनन् ।तथापि उनको टिकापुर बसाइँ अझै छ/ सात महिना हुनसक्छ ।
टिकापुरमा काममा भन्दा राजनीतिमा उत्रने केही कर्मचारी बाधक छन् भने त्यस्तालाई किन सरुवा नगर्ने अनी त्यसपछि पनि सुधार भएन भने किन नहटाउने । चाहे कर्मचारी चाहे जनप्रतिनीधि संग निहु खोज्ने कर्मचारीलाई टिकापुरकाे विकास चाहने कर्मचारी र जनप्रतिनिधिले पहिलोपटक राम्रोसँग सम्झाउने नमाने साइजमा ल्याउनुपर्छ ।
केही कनिष्ठ कर्मचारीलाई हामीले जे गरेपनि हुन्छ हामी स्थानीय हाैं मेरो माथि सम्म पहुँच छ भन्ने मानसिकताले काम गरिरहेको छ ।
प्रमुख प्रशासकीय अधिकृत भन्दा मेयर ,उपमेयर भन्दा आफुलाइ ठूलो ठान्ने झ्यालबाट छिरेर कर्मचारी भएका , भनसुन र शक्तिको अाडमा नाच्ने लाई सबैले चिन्न जरुरी छ । अघिल्लो आर्थिक बर्षमा ६ करोड बेरुजू छ । मनपरी खर्च भएको छ तर ठोस विकास योजना देखाउन सक्ने केही छैन । गलत लाई गलत नभन्ने अनी आफ्नो नातागोता पर्यो भने गलतलाई पनि सहि भन्ने चलनले गलत गर्नेलाई प्रोत्साहन गर्न थालेको छ । नयाँ जनप्रतिनीधि आएको केही महिना भएको छ ।अघिल्लो कार्यकाल झै काेराेना कारण देखाएर,कमिसन दिएर मनपरी गरेर खाउंला भन्ने सोच पालेका कर्मचारी अहिलेसम्म भने तिलमिलाएका छन् । मेयरले सरुवा गर्छु भन्यो , या हाकिमले कुनै काममा खटाएको ठाउँमा नगइ त्यो फलानो हाकिम काे हाे र भन्दै लामो हातको धाक लगाउने काम गर्दै हाकिम र जनप्रतिनीधिलाई घेराबन्दी हुनु राम्रो होइन । जनताले तिरेको करबाट पालिएकाहरु सच्चिन जरुरी छ । स्थानीय भएको बलमा आफ्नै नगरमा ज्यादती गरेर अनावश्यक रुपमा हाकिम लाई र जनप्रतिनिधि लाई नमानेर बाहुबलि बन्न खाेज्नु मुर्खता हो । अहिलेका प्रमुख प्रशासकीय अधिकृत पनि धेरै टाढाका होइन सुदुर पश्चिमका नै हुन । अर्थात उनी पनि स्थानीय नै हुन केही सानातिना बाेलि र व्यवहारमा देखिने दम्भ बाहेकका अरु कुरा ठिकै छ । त्यो उनमा देखिने दम्भ पदको होस या नश्लिय हो सुधार आवश्यक छ । उनी जनताको सेवक हुन शासक होइनन् ।
उनी नगरपालिकाकाे मुख्य जिम्मेवार व्यक्ति हुन युवा जाेश जाँगर भएका हाकिमले साैताकाे रिसले पाेइकाे ओछ्यानमा पिसाब फेर्ने काम नगरीकन अघि बढ्न जरुरी छ ।
आफ्नो दुनो सोझ्याउने काम गर्नु गलत हो । यसबाहेक टीकापुरको समृद्धि कसरी हुन्छ र भन्ने बारेमा सबैले चिन्ता गर्न आवश्यक छ ।
टाढाको हाकिम भनेर होस या समुदाय विशेषकाे भनेर , बाैद्दिकता या माथि सम्म पहुँच नभएकाे जनप्रतिनिधि ठानेर आफुलाई शक्तिशाली देख्ने सत्ता ,शक्ति ,पहुँचका आधारमा केही व्यक्तिले मस्ति गर्ने थलाेका रुपमा बुझेका छन् भने त्यो साेच किमार्थ गलत हो । व्यक्ति होइन दल होइन छातिमा हात राखेर टिकापुरकाे विकासका लागि साेचाैं जनप्रतिनिधि र कर्मचारीले ।
समाचार 
