सत्ति / प्राक्टिकल एक्सन नेपालको आर्थिक सहयोग र उज्यालो बहुउद्देश्यीय सहकारी सँस्था टिकापुर ७ सत्तिको साझेदारीमा सञ्चालित “सुचाङ्कमा आधारित बाढी बिमा” कार्यक्रमका बारेमा अन्तरक्रिया कार्यक्रम शनिबार सम्पन्न भएको छ ।
साे अन्तरक्रिया कार्यक्रममा प्राक्टिकल एक्सनका वातावरण तथा अनुकूलन ग्लोबल हेड काेलिन म्याकुसटेन र प्राक्टिकल एक्सन नेपालका बाढी अनुकूलन तथा बाढी विमा मापदण्ड कार्यक्रमका म्यानेजर विक्रम रानाको नेतृत्वमा अन्य विभाग प्रमुख र उज्यालो बहुउद्देश्यीय सहकारीका संचालक समिति बिच कार्यक्रम संचालन गर्दा सहकारी र बाढी विमा कार्यक्रम संचालन गर्दा आएका चुनाैति र अवसरका बारेमा छलफल भएको थियो ।
नेपालमा पहिलोपटक नमुना कार्यक्रम स्वरुप पुर्वी उज्यालो बहुउद्देश्यीय सहकारिकाे अगुवाइमा पुर्वी कैलाली र पश्चिम बर्दियाका स्थानीय तहमा यो कार्यक्रम संचालन भएको छ ।
साे कार्यक्रम कैलालीको जानकि गाउँपालिका र टिकापुर नगरपालिकाका केही वडा र बर्दिया जिल्लाका मधुवन,राजापुर नगरपालिका र गेरुवा गाउँपालिकाका केही वडामा लागु भएको छ ।
उज्यालो बहुउद्देश्यीय सहकारी सत्तिकाे अगुवाइमा ११ वटा सहकारी मार्फत बाढी विमा कार्यक्रम संचालनमा रहेको छ । यस वर्ष सहकारीले ९ सय ३५ घरधुरीमा विमा गरेको छ ।
प्रति कट्टा २ सय ५२ रुपैयाँमा साे विमा गरिने प्रावधान रहेको उज्यालो बहुउद्देश्यीय सहकारीका अध्यक्ष डम्बर घर्तिले जानकारी दिए ।
कर्णाली नदिमा आएको बाढीका कारण किसानको धानबाली नाेक्सान भएमा प्रति कट्ठा ३ हजार ६ सय रुपैयाँ किसानले राहत प्राप्त गर्ने घर्तीले जानकारी दिए ।
समाचार 
