सत्ति / टीकापुर नगरपालिकाले वडा नं. ४ मौरनियाँबाट अतिक्रमण हटाउने अभियानकाे सुरुवात आज( मंगलबार )बाट भएको छ ।
नगरपालिकाले नगर क्षेत्रभित्र रहेका अतिक्रमित सार्वजनिक जग्गा, खुल्ला क्षेत्र, चोक, चौराहा, प्रति ऐलानी जग्गा तथा तालतलैया खाली गर्न सार्वजनिक सुचना जारि गरेको थियो ।
अभियानको पहिलो दिन नगरपालिकाले वडा नं. ४ को मौरनियाँमा पदमबहादुर कठायतको माटोको चिनाई रहेको एक टहरा र नरेन्द्र बोहराको झण्डै ५ मिटर टिनको बार हटाएको छ ।
अतिक्रमित जग्गा खाली गर्ने अभियान शुरुवात भएको नगर प्रमुख रामलाल डगौरा थारु पहिलो दिन सुरक्षाकर्मी सहित पुगेका नगर प्रमुख थारुले भने आजदेखि अतिक्रमण खाली गर्ने अभियान शुरुवात भएको बताए । ‘आजदेखि शुरु गरेका छौं, जहाँ जग्गा अतिक्रमणमा छन्, त्यहाँको जग्गा खाली गराउँछौं’ नगर प्रमुख थारुले भने ‘भोलि वनगाउँको एकटोलको झण्डै ढेड विघा जग्गा खाली गर्दैछौं ।’
नगरपालिकाले वडा नं. १ देखि ९ सम्म अतिक्रमित जग्गाको तथ्यांक लिने, नापजाँच गर्ने र अतिक्रमण खाली गराउने नगर प्रमुख थारुले बताए । टिकापुर
नगरपालिकाले सार्वजनिक जग्गा खाली गर्ने सूचना प्रकाशित गरेकाे थियो ।
समाचार 
