सत्ति / टिकापुर ७ सत्ति स्थित पद्म प्रकाशेश्वर महादेव मन्दिर संरक्षण समितिको साताैं वार्षिक चुनावी साधारणसभा सम्पन्न भएको छ । 
बिहीबार बसेकाे मन्दिरको साधारणसभाले आगामी तीन वर्षका लागि विभिन्न पदमा नेतृत्व चयन गरेको छ ।
अध्यक्षमा विदुरलाल कायस्थ उपाध्यक्षमा नरेन्द्र नाथ सिंह सचिवमा भिम बहादुर विक र काेषाध्यक्षमा दिनेश कुमार वैद्य चयन भएका छन् । 
यस्तै गरि सदस्यहरुमा माधव आचार्य ,टेकबहादुर खड्का ,कविता चाैधरि,रम्भादेवि कडायत, गाैरवराज शाही ,शिलु खतिवडा र दिनेश बटाला चयन भएकाे अध्यक्ष विदुरलाल कायस्थले जानकारी दिए ।
सभाको प्रमुख अतिथि टिकापुर ७ का वडा अध्यक्ष यज्ञ न्याैपाने रहेका थिए भने विशिष्ट अतिथिमा टिकापुर नगर विकास समितिका पुर्व अध्यक्ष फकिरसिंह कडायत र वयोवृद्ध समाजसेवी माेहन बहादुर शाह रहेका थिए ।
कार्यक्रममा सामुदायिक सहकारी सत्तिका अध्यक्ष पल बहादुर बस्नेत , समाजसेवी साेम बहादुर थापा ,नरेश्वर धमाला लगायतका महानुभावले मन्तव्य राखेका थिए ।
लामो समय देखि मन्दिरको साधारणसभा हुन नसकेकोमा आजिवन सदस्यले गुनासो व्यक्त गरेका थिए । कार्यक्रममा ४ लाख १ हजार ५ सय ७४ रुपैयाँ २५ पैसाको आयव्यय प्रस्तुत गरिएको थियो भने २०७९/०८० काे लागि २ करोड ५६ लाख ६ हजार १९३ रुपैयाँ १४ पैसाको अनुमानित आयव्यय प्रस्तुत गरिएको थियो । पुरातात्त्विक महत्त्व बाेकेकाे मन्दिरमा कृष्ण जन्माष्टमि र महाशिवरात्रिमा ठूलो मेला लाग्ने गर्दछ ।मन्दिरमा
दुई सय २५ जना आजिवन सदस्य रहेका छन् । निवर्तमान मन्दिर व्यवस्थापन समितिले मन्दिरको व्यापक प्रचारप्रसारमा सक्रिय भएको र नयाँ चयन भएको समितिले पनि दिर्घकालिन योजना बनाएर धार्मिक पर्यटक भित्र्याउने योजना ल्याउनुपर्नेमा आजिवन सदस्यले जाेड दिएका थिए ।
समाचार 
