बैदि / केही दिन यता लगातार परेको अविरल वर्षासँगै विभिन्न नदी तथा खोलामा आएको बाढीले कैलालीका विभिन्न स्थान डुबानमा परेका छन् । कैलालीको टिकापुर,जानकि ,भजनी नगरपालिका अन्य स्थान भन्दा अधिक डुबानमा परेको छ । यहाँ स्थित काँडा, पथरैया, मोहना र कान्द्रा नदीको मार वर्षेनी पुर्वी कैलाली वासीले झेल्दै आएका छन् । यी मध्ये भजनी नगरपालिका वडा नं. ३ र ८ अझ अधिक डुबानमा छ ।
यि वडा अहिलेसम्म पनि पूर्णरूपमा जलमग्न छन् । भजनीमा केही दिन यता मात्रै डुबानमा परि सयौँ घरपरिवार विस्थापित भइसकेका छन् । हालसम्म मानवीय क्षति भने भएको छैन् ।
भजनी नगरपालिकाको तथ्याङ्क अनुसार यस वर्ष मात्रै हाल सम्म नगरपालिका भित्र तीन हजार घर परिवार पूर्णरूपमा प्रभावित भएका छन् भने एघार सय घर परिवार विस्थापित भएका छन् ।
वडा नं.३ र ८ मा मात्रै झण्डै दुई हजार परिवार प्रभावित भएका र वडा नं. ५ मा पनि दुई सय ५० घर परिवार पूर्णरुपमा प्रभावित भएका भजनी नगरपालिकाका प्रवक्ता तथा वडा नं. ३ का वडाध्यक्ष विक्रम चौधरीले जानकारी दिए । बाढी र डुबानबाट विस्थापित परिवार हुलाकी राजमार्गमा खुला आकाश मुनि पाल टाँगेर बस्न बाध्य छन् । पाल मुनिकाे बासमा कतिपय सुत्केरी र गर्भवती पनि रहेका छन् । घर भन्दा हुलाकी बाटो उच्च भएकोले आफू तीन दिन देखि बाटोमै दिनरात काटेको १ महिनाकि भजनि ८ कि सुत्केरी अनुस्का चाैधरिले बताइन् ।
तिनदिन सम्मकाे बसाइँमा कुनै निकायले आफुलाई नहेरेकाे उनलेे दुखेसो छ । वडा नं. ३ का नयाँ बस्ती र दैलेखी बस्तीका बाढी प्रभावितहरू हुलाकी राजमार्गमा आउन सक्ने स्थितिमा छैनन्। दैनिक उपभोग्य सामानका लागि डुङ्गाको प्रयोग गरिरहेका उनीहरू सपरिवार हुलाकी सडकमा आएर बस्न सक्ने स्थितिमा नरहेको स्थानीयले बताए ।
स्थानीय तह र विभिन्न संघ संस्थाकाे सहयोगमा बनेका सुरक्षित घरमा पनि बाढीपीडितले आश्रय लिएका छन् ।कैलालीका भजनीसँगै टीकापुर जाेशीपुर र कैलारी गाउँपालिकामा समेत वर्षेनी बाढीले वितण्डा मच्चाउने गरेको छ ।
समाचार 
