सत्ति / टिकापुर -७ सत्ति स्थित सत्ति कर्णाली सामुदायिक वनले दशैंकाे शुभकामना आदानप्रदान कार्यक्रम सम्पन्न भएको छ । वनको आयोजनामा भएको दशै मिलन ,वनदेवि मन्दिरको पुजा र पिकनिक स्पटकाे उद्घाटन गरिएको छ ।
साे कार्यक्रमका प्रमुख अतिथि टिकापुर नगरपालिका वडा नम्बर ६ का वडा अध्यक्ष बलिराम चाैधरि र विशिष्ट अतिथिमा टिकापुर नगरपालिका वडा नम्बर ८ का वडा अध्यक्ष दिर्घ बहादुर ठकुल्ला रहेका थिए । 
कार्यक्रममा हरिकुमार कार्की ,नरेश्वर धमाला ,विरेन्द्र शाहले मन्तव्य राखेका थिए ।
सरकारको मुख मात्रै ताक्नु भन्दा स्थानीयले स्थानीयस्तरमा रहेका स्रोतको प्रयोग र परिचालन गर्नुपर्नेमा वक्ताले जाेड दिएका थिए । सत्ति कर्णाली सामुदायिक वन टिकापुरकाे तल्लो क्षेत्रकाे महत्त्वपूर्ण गहना भएको वक्ताहरूले बताएका थिए । वनका अध्यक्ष धनसिंह साउँदकाे अध्यक्षतामा भएको साे कार्यक्रममा उनलेे वनको डिपिआर भैसकेकोले विस्तृत विकासका लागि सरकारले सहयोग गर्नुपर्नेमा जाेड दिएका थिए ।
पिकनिक स्पटमा खानेपानी ,शाैचालय,धारा ,प्रतिक्षालय बनाउन टिकापुर नगरपालिका र विभिन्न वडाले सहयोग गरेको बताउँदै पिकनिक स्पटमा आवश्यक पर्नेछ सम्पुर्ण व्यवस्था भएको र वनले एक जना कर्मचारी लाई जिम्मेवारी दिएको अध्यक्ष धनसिंह साउँदले बताए ।
समाचार 
