रसुवा / प्रजातन्त्र दिवसको अवसरका नेपाल स्वयंसेवी रक्तदाता समाज रसुवा शाखा र कालिका हिमालय एसएलसी २०५६ ब्याचको संयुक्त आयोजनामा कालिका हिमालय क्याम्पसमा भएको तेस्रो खुल्ला रक्तदान कार्यक्रममा १०३ जनाले रक्तदान गरे । 
नेपाल स्वयंसेवी रक्तदाता समाजका केन्द्रीय अध्यक्ष प्रेमसागर कर्माचार्य, कालिका गाउँपालिका अध्यक्ष हरिकृष्ण देवकोटा, उत्तरगया गाउँपालिका अध्यक्ष माधबप्रसाद अर्याल , नौकुण्ड गाउँपालिका उपाध्यक्ष चन्द्रबहादुर तामाङ, नेपाल स्वयंसेवी रक्तदाता रसुवाका उपाध्यक्ष रामशरण गजुरेल लगायत स्थानीय तहका वडा अध्यक्ष तथा जनप्रतिनिधिहरू सहभागी थिए । २०५६ ब्याचका काबा अध्यक्ष रामप्रसाद ढकालकाे अध्यक्षतामा भएको कार्यक्रममा
प्रमुख अतिथि कालिका गाउँपालिका हरिकृष्ण देवकोटा र बिशेष अतिथि नेपाल स्वयंसेवी रक्तदाता समाजका केन्द्रीय अध्यक्ष प्रेमसागर कर्माचार्यले पहिलाे रक्तदाता ओरियन्ट कलेज काठमाडौका प्राध्यापक बलराम थपलियालाइ ब्लड ब्याग हस्तान्तरण गरेर सुभारम्भ भएको थियोे ।
नेपाल रेडक्रस सोसाइटी केन्द्रीय रक्तसंचार सेवाका कर्मचारीहरुको समेत सहभागिता रहेको थियो । रक्तदान कार्यक्रम अनुकरणीय काम भएको र आगामी दिनमा निरन्तरता दिन तथा यस्तो कार्यक्रमलाई सक्दाे सहयोग गर्ने प्रतिवद्धता ब्यक्त गरे । कार्यक्रम सफलपार्न सहयाेग गर्ने तथा रक्तदाताहरुलाइ नेरास्वरसमा सचिव हेमनाथ खतिवडाले धन्यवाद ज्ञापन गरे ।
समाचार 
