दुर्गाैलि / जानकी गाउँपालिका शिक्षा युवा तथा खेलकुद शाखा दुर्गौलीको आयोजनामा सामुदायिक विद्यालयको शैक्षिक गुणस्तर अभिबृदिको लागि वडा न.१देखि ९ सम्मका जनप्रतिनिधि सङ्ग छलफल तथा अन्तरक्रिया कार्यक्रम बिहीबार सम्पन्न भएको छ ।
जानकि गाउँपालिका अध्यक्ष गणेश चौधरीको अध्यक्षतामा भएको साे कार्यक्रममा सामुदायिक विद्यालयमा पढ्ने बालबालिकाकाे विद्यालयमा सहभागीता र गुणस्तरीय शिक्षा प्राप्तिको लागि सुनिश्चितताका लागि छलफल भएको सहभागी इन्द्र चाैधरिले बताए । 
साे कार्यक्रममा जानकि गाउँ पालिका भित्रका सामुदायिक विद्यालयकाे वर्तमान शैक्षिक अवस्थाकाे विषयमा शाखा प्रमुख धर्मानन्द कपाडिले प्रस्तुति गरेका थिए ।
कार्यक्रममा कर्णाली मावि टिकापुरमा गरिएका असल अभ्यासको प्रस्तुति कर्णाली मावि टिकापुरका प्रधानाध्यापक धर्मराज शर्माले प्रस्तुति गरेका थिए । 
छलफल पछि भएकाे खुला छलफलमा पालिका भित्रका सामुदायिक विद्यालयकाे गुणस्तर सुधारका लागि अभिभावक ,शिक्षक, जनप्रतिनिधि र विद्यार्थीको इच्छाशक्ति भए धेरै समय नलाग्ने बताएका थिए ।
सामुदायिक विद्यालयमा विद्यार्थी झिकाउने ,टिकाउने र बिकाउनेमा सराेकारवाला सचेत हुनुपर्नेमा जाेड दिएका थिए ।
जानकि गाउँपालिकामा ३० वटा सामुदायिक विद्यालय र १५ वटा संस्थागत विद्यालय रहेका
छन् ।
समाचार 
