कंचनपुरमा बाघको आक्रमणबाट एक महिलाको मृत्यु भएको छ । बिहीबार बिहान दोधारा चाँदनी नगरपालिका–२ कमला शाही टोलमा बाघको आक्रमणबाट सोही ठाउँकी २३ वर्षीया महिला हिरा शाहको मृत्यु भएको हो।
जिल्ला प्रहरी कार्यालय कञ्चनपुरका डीएसपी उमेश जोशीका अनुसार घर नजिकै उखुबारीमा घाँस काट्ने बेला शाहलाई बाघले झम्टिएको थियो ।अहिले घटनास्थलमा प्रहरी पुगेको छ भने घटनाको विस्तृत विवरण आउन बाँकी रहेको छ ।
प्रकाशित : २०८१ श्रावण १७ बिहीबार प्रकाशित
समाचार 
