जंगली हात्तीको आक्रमणबाट कञ्चनपुरमा एक जनाको मृत्यु भएको छ।
आइतबार बिहान जिल्लाको लालझाडी गाउँपालिका–४ डाडाँजाई का ५० वर्षीय रामदल रानाको हात्तीको आक्रमणबाट मृत्यु भएको प्रहरीले जनाएको छ। 
जंगली हात्तीको समूह गाउँ पसेपछि धपाउन घरबाहिर निस्केका स्थानीयले हो–हल्ला गर्ने क्रममा हात्तिको आक्रमणमा परेर रानाको मृत्यु भएको हो।
अहिले हात्तीको समूह नजिकैको जंगलमा पसेको छ भने प्रहरी टोली र निकुञ्जको टोली घटनास्थलमा खटिएको शुक्लाफाँटा राष्ट्रिय निकुञ्जका वरिष्ठ संरक्षण अधिकृत चन्द्रशेखर चौधरीले बताए।
प्रकाशित : २०८१ आश्विन १३ आईतवार प्रकाशित
समाचार 
