लगातारको वर्षा र वर्षा पछिको बाढी पहिरोका कारण अवरुद्ध भएको मुग्लिङ-काठमाडौँ सडकखण्ड सोमबार देखि एकतर्फी रुपमा खुलेको छ।
अहिले झ्याप्ले खोलासहितका ठाउँमा सडकको पहिरो पन्छाउने काम भइरहेकाले ४ दिन देखि रोकिएका सवारीसाधनहरुलाई काठमाडौँ भित्रन अनुमति दिइएको प्रहरीले जनाएको छ।
धेरै ठाउँमा पहिरोले बाटो एकतर्फी रहेको र काठमाडौँबाट गाडी पठाउँदा क्षति हुनसक्ने तथा अबरुद्ध हुनसक्ने भएकाले काठमाडौँ भित्रिने गाडीको लाम हटाएपछि मात्रै दुईतर्फी बाटो सुचारु गर्ने प्रहरीले जानकारी दिएको छ।
सोमबार बेलुकासम्म राजमार्गको पहिरो पन्छाउने काम सकिने प्रहरीले बताएको छ। काठमाडौँ भित्रन नागढुंगादेखि नौबिसेसम्म ठूलो संख्यामा गाडीहरु पालो कुरिरहेका छन्।
प्रकाशित : २०८१ आश्विन १४ सोमबार प्रकाशित
समाचार 
