टीकापुर/ पुर्व गृहमन्त्री रबि लामिछाने विरुद्ध पक्राउ पुर्जी जारी भएको छ ।
सहकारी ठगी प्रकरणमा मुछिएका लामिछानेलाई सहकारी ठगी सम्बन्धी संसदीय छानबिन समितिले उनी दोषी भएको निष्कर्ष निकालेको थियो ।
गोर्खा मिडिया नेटवर्कको प्रबन्ध निर्देशक रहँदा उनले सहकारीको रकम अपचलन गरेको समितिको ठहर छ ।
लामिछानेमाथि अनुसन्धान गर्नका लागि जिल्ला प्रहरी कार्यालय कास्कीले माग गरे अनुसार अदालतले पक्राउ पुर्जी जारी गरेको हो । यसअघि उनीसँगै गोर्खा मिडियामा साझेदार रहेका छविलाल जोशी गत असोज ६ गते पक्राउ परेका थिए।
रबि लामिछाने विरुद्ध पक्राउ पुर्जी जारी भए संगै राष्ट्रिय स्वतन्त्र पार्टीको केन्द्रिय कार्यालयमा नेता तथा कार्यकर्ताको घुइँचो बढेको छ ।
प्रकाशित : २०८१ कार्तिक २ शुक्रबार प्रकाशित
समाचार 
