सत्ति / ‘समावेशी र दिगो भविष्यको पूर्वाधार, अपांगता भएका व्यक्तिहरुको प्रवल नेतृत्व यसको आधार’ भन्ने नारासहित यस वर्षको अपांगता दिवस टिकापुरमा पनि मनाइएको छ ।
टिकापुर नगरपालिका महिला बालबालिका तथा समाजकल्याण उपशाखाको आयोजनामा “अपांगता भएका व्यक्ति माथि तपाईं हाम्रो जिम्मेवारी” नामक मावि स्तरीय वक्तृत्वकला प्रतियोगिता गरि टिकापुरमा वक्तृत्वकला प्रतियोगिता गरी मनाइएको छ । 
प्रतियोगितामा आइएमइ स्कुल अस्नेहरिका हेमराज ढुंगाना पहिलो ,गणेश बाबा स्कुलका भुवन उपाध्याय दाेस्राे र कर्णाली मावि सत्तिकि समिक्षा भण्डारी तेस्रो भएका थिए भने टिकापुर नगर क्षेत्रका १२ वटा विद्यालयकाे सहभागीता रहेको थियो । वक्तृत्वकला प्रतियोगितामा अपांगताको क्षेत्रमा काम गर्ने संघसंस्थाका प्रतिनिधि, अपांगता भएका व्यक्ति र विद्यालयका शिक्षकको सहभागिता रहेको थियो ।
कार्यक्रममा महिला ,बालबालिका तथा समाज कल्याण उपशाखा प्रमुख संगिता शाहले दिवसले अपांगताका क्षेत्रमा भएका समस्या पहिचान गरी र समाधान गर्नेतर्फ ध्यान केन्द्रित हुने ,अपांगता भएकालाई हेर्ने व्यवहार, सोँच र दृष्टिकोण परिर्वतन हुने बताइन् ।
कार्यक्रम नगरपालिका महिला बालबालिका तथा समाजकल्याण उपशाखा सदस्य लवरि चाैधरिकाे अध्यक्षतामा भएको थियो भने संचालन संगिता शाहले गरेकि थिइन् ।
समाचार 
